【小編實測】東京迪士尼美女與野獸主題精品開箱！

東京迪士尼全新園區美女與野獸城堡New Fantasyland早前開幕，可惜依家冇得飛去日本體驗下，不過唔緊要，小編早前搵日本代購喺東京迪士尼買咗一系列美女與野獸嘅精品返黎，一齊黎開箱睇下啦！

美女與野獸-陶瓷水杯

陶瓷杯做工非常精細，杯面印有美女與野獸共舞的圖畫，杯口位有金色圍邊，杯內亦有標誌玫瑰花點綴，而手柄位有古典皇宮造型設計，好似用緊皇室嘅陶瓷杯般。陶瓷杯手感輕巧，不過材質唔適合放入微波爐及洗碗機。

美女與野獸-陶瓷儲物罐

陶瓷儲物罐嘅印花充滿皇室高貴嘅感覺！正面同樣印有主角們共舞圖畫，而背面則印有其他好朋友如茶壺太太、阿齊、葛士華和掃帚等。圖畫附近都印有玫瑰花和金色圖騰，非常華麗高貴，罐蓋嘅手柄位更係以玫瑰花造型設計，呼應故事主題。儲物罐係直桶設計，方便儲物，罐蓋可以避免入塵，小編覺得很適合儲放茶葉或茶包等。手感非常沉實，唔容易打翻。

美女與野獸-情侶玻璃杯

呢款情侶玻璃杯超級靚！印有Belle頭像嘅玻璃杯以粉色為主，印有Beast頭像嘅則粉色為主，金色圖騰喺同透明玻璃上顯得格外精緻，兩隻杯背面都有東京迪士尼美女與野獸園區主題名「ENCHANTED TALE OF BEAUTY AND THE BEAST」。與心愛嘅另一半一人一隻，象徵擁有美女與野獸童話般浪漫嘅愛情！

美女與野獸-玫瑰冷水杯

呢款冷水杯非常獨特，中間有一支美女與野獸嘅玫瑰花，水杯造型係仿造緊故事中杯玻璃罩罩住嘅玫瑰花，頗具意義。就好似放咗一支玫瑰花喺台面，為Office添加咗唔少生色，心情都會變得好好呢！呢支玫瑰花可以自行拆除。冷水杯杯身印有金色Belle側影，低調而華麗。隨杯附有一支膠飲筒，方便飲用。

美女與野獸-玫瑰飾物紅茶罐

呢隻紅茶罐頂部用玻璃罩中嘅玫瑰花呈現經典畫面，底部嘅鐵罐裝載住紅茶。

美女與野獸-雙層豪華High Tea碟

皇宮又點少得High Tea呢？呢隻美女與野獸雙層High Tea碟就有茶壺太太、阿齊、葛士華和盧米亞陪你享用甜點，印花充滿歡樂氣氛！中間金色嘅支柱令High Tea碟即刻變得高端。以後下午茶唔洗去貴價餐廳，自己屋企都做到啦！

美女與野獸-勳章

質感超好嘅勳章，帶有一點復古味道可以扣於帆布袋或書包上。

美女與野獸-夢幻燈飾盒

終於黎到最後一件，亦喺小編最期待和最鍾意嘅一件精品！呢個方方正正嘅燈飾盒其實係樂園內嘅爆谷盒，彷如一個迷你城堡，燈飾盒四面仿以教堂花窗玻璃呈現嘅圖案，好似放大咗城堡內嘅一事一物，正面係美女與野獸正於舞廳共舞，側面分別係野獸變身前與變身後嘅人像畫，背面係象徵兩人愛情嘅玫瑰花。著燈後嘅燈飾盒更加係超級夢幻，四面圖案即刻栩栩如生！