相信大家一定對The Ordinary呢個品牌唔陌生，親民嘅價錢但成分一點也不馬虎，係平價唔伏之選！小編挑選咗4款The Ordinary熱賣嘅產品，一齊睇下佢哋嘅功效如何啦！

Squalane Cleanser角鯊烷缷妝洗面乳

呢支係卸妝清潔二合一洗面奶，非常適合每日需要化妝嘅懶人族和上班族。裡面嘅角鯊烷成分親膚性非常好，會喺皮膚表層形成一層透氣嘅保護膜，發揮保濕、潤膚嘅效果。

50ml嘅Squalane Cleanser比想像中要細，每日使用嘅話感覺好快會用完。洗面乳剛擠出黎嘅質地係白色半透明乳霜狀，雙手慢慢搓揉開就會化成卸妝油嘅質地，The Ordinary嘅產品都不添加香料，所以冇任何氣味。搓揉開後於乾臉上按摩約一分鐘，待臉上彩妝都被溶解後，再用清水沖洗，之後唔需要再用其他洗面奶，直接上護膚品就可以啦。洗完之後皮膚唔會繃緊或乾燥，睇測試結果就知保濕效果唔錯，洗完面後嘅皮膚水分依然不變。

卸妝效果方面，小編覺得屬於中上，一般嘅粉底、眼影、唇膏都可以輕鬆卸乾淨，但如果係防水嘅化妝品就需要卸多一次。一般日常妝容呢支Squalane Cleanser絕對能應付得到。

主要功效：溫和卸妝、保濕
適合肌膚：所有膚質

Caffeine Solution 5% + EGCG咖啡因去黑眼圈去水腫眼部精華

呢款眼部精華係The Ordinary王牌商品，含有5％極高濃度嘅咖啡因，所以去水腫效果非常好，小編覺得比去黑眼圈功效更明顯！裡面易有綠茶提取物EGCG，具有抗氧化功效。

精華係透明淡咖色，質地清爽，延展性高，推開後會慢慢被皮膚吸收，一開始會有少少濕黏感，但隨住精華被完全吸收之後就會變得清爽。雖然精華冇保濕功效，但經皮膚測試機測試後，皮膚水分提升咗唔少，不過都建議秋冬使用嘅時候配搭眼霜，令眼部水分唔好咁易流失。

主要功效：改善眼部水腫、黑眼圈
適合肌膚：所有膚質

Hyaluronic Acid 2% + B5透明質酸補水精華

相信大家都知道透明質酸係非常好嘅補水成分，呢款精華嘅功效就係係純粹嘅補濕，當中融合咗濃度高達2%嘅低、中、高分子量透明質酸，透明質酸可以吸收比自身重量大一千倍嘅水量，所以有極佳嘅保濕功效。產品同時添加咗維生素B5，有助於修補皮膚組織，亦可以撫平細紋使肌膚變得柔滑有彈性。

精華係透明水質帶有一點黏稠質地，非常易推開，瞬間就被皮膚吸收，而且冇任何濕黏感，好清爽舒服。睇返測試結果，擦完精華之後皮膚水分即刻有大幅度提升！

主要功效：補水保濕、撫平細紋
適合肌膚：所有膚質（尤其係乾性肌膚）

100% Plant-Derived Squalane植物性角鯊烷

呢款內涵100%植物萃取嘅角鯊烷，啱啱有提過角鯊烷有潤膚、補水功效。角鯊烷係輕油質地，流動性很高，推開待皮膚吸收後，皮膚會充滿光澤而且不黏膩。由於延展性好高，所以每次使用一兩滴已經足夠。油性肌膚嘅朋友唔洗擔心用有油成分嘅產品，適當地為皮膚補充油分可以達致水油平衡，肌膚出油問題亦會大大得到改善。

上妝前使用角鯊烷，或將角鯊烷融合於粉底液中，會令底妝更加服貼且充滿光澤感。

主要功效：補水、修復
適合肌膚：所有膚質

大家可以去The Ordinary官網購買或了解更多其他產品！