化妝品唔一定要買貴先好，市面上彩妝品牌眾多，產品配色難免會有近似，但價格就有高有低，小資女們當然要揀平、靚、正嘅彩妝品先對得住自己嘅銀包！小編整理咗5款平價替代化妝品，睇下有冇你鍾意嘅？
大牌產品： MAC專業無瑕霧鏡粉底 HK$360
平價替代產品：Maybelline FIT ME反孔特霧粉底液 HK$129
MAC粉底嘅遮瑕力、持妝度、控油力都非常不錯，妝感偏向微霧光，就好似開咗美顏濾鏡般，臉上嘅瑕疵會瞬間消失，即使唔上碎粉也不會黏膩、脫妝。
Maybelline粉底和MAC粉底一樣都係混合性和油性肌膚嘅好朋友！Maybelline粉底唔單止控油力、遮瑕力不錯，即使出油後妝感也不會結塊、斑駁，不過就會稍微暗沉、顯毛孔，建議選擇比自己皮膚白1-2階嘅色號，毛孔粗大嘅朋友做好妝前打底妝感會更好！
大牌產品：YSL彩蜜唇色漆亮系列 #407 HK$295
平價替代產品：A’PIEU 霓虹炫色光唇釉 #RD03（代購價約HK$55）
YSL#407打造嘅水嫩玻璃雙唇，讓每個女仔都怦然心動，而A’PIEU嘅#RD03無論質地、水光澤都與YSL#407非常相似，不過A’PIEU嘅顏色偏紫一點，帶有一閃一閃嘅小珠光，質地相較下較黏，但會持色較耐。
大牌產品：NARS光亮柔滑遮瑕霜 HK$290
平價替代產品：Maybelline FIT ME遮瑕膏 HK$79
一提遮瑕膏就必然會諗起NARS，質地潤澤，超強延展力，可以迅速均勻遮蓋瑕疵，貼合肌膚不卡粉不脫妝。更含有維他命E改善黑眼圈並同步加強肌膚防禦功能，撫平眼周紋路。
有「平價戰鬥機」之稱嘅Maybelline，其FIT ME遮瑕膏絕對係Nars嘅最佳替代品，延展性和遮瑕裡不輸NARS，如此親民嘅價錢，自然會少咗護膚修復功能啦，不過對於開架產品來說，Maybelline FIT ME遮瑕膏絕對物超所值。
大牌產品：Tom Ford四色眼影盤 #02（代購價約HK$590）
平價替代產品：KATE骨幹四色眼影 #BR5（代購價約HK$150）
Tom Ford四色眼影性價比較低，配色係普通大地色系，不過亮片較多，小編覺得小資女可以入手開架眼影會更划算。KATE骨幹四色眼影#BR5性價比很不錯，亮片雖比Tom Ford較細小，但妝感更為自然，粉質細膩順滑幾乎不飛粉，顯色度唔會太高，唔怕重手。
大牌產品：SUQQU漸變胭脂（代購價約HK$450）
平價替代產品：Excel漸變胭脂（代購價約HK$178）
鍾意日本美妝嘅女仔一定對SUQQU唔陌生，SUQQU產品嘅品質非常高，當然價格也不斐。SUQQU漸變胭脂曾引起眾多日本女生搶購，顯色度很高，即使係淺色胭脂都好容易上色，粉質軟糯貼服，親膚性好，不飛粉，每個顏色都各有特色，不過昂貴嘅價格令唔少小資女都卻步，唔洗灰心！Excel漸變胭脂與SUQQU漸變胭脂近乎一樣，好多色號都做到同suqqu好似，絕對係最佳平替，而且Excel漸變胭脂自帶胭脂掃，毛質仲要很柔軟，CP值超高！
