【明星同款】太妍攜5款最新復古典雅LV手袋展現幹練時尚感

太妍拍攝所拍攝嘅5款包款全為LOUIS VUITTON今季最新款式，喺太妍獨特詮釋下，帶來令人驚歎嘅視覺衝擊，令手袋嘅魅力喺海報中大放光彩。

NÉONOÉ MM

NéoNoé MM水桶袋與經典Monogram帆布水桶袋與別不同，太妍手持呢款以Monogram Empreinte壓花皮革打造，極具精緻感，較大嘅Logo印花，令水桶袋更顯年輕時尚。以及海軍藍與色彩鮮艷嘅紅色皮革飾邊形成鮮明對比，展現活力氣質。水桶袋綴有皮革束繩和金色孔眼，設計既輕巧又貼合身型，設有可拆式頂端手柄和可拆式及可調節長度肩帶，可作手提、肩背或斜背舒適攜帶。

BOÎTE CHAPEAU SOUPLE MM

Boîte Chapeau Souple MM手袋今季經設計師Nicolas Ghesquière重新演繹。今季嘅Boîte Chapeau Souple MM尺寸較小，更富現代氣息。材質與上面水桶袋一樣，選用柔軟嘅Monogram Empreinte壓花粒面皮革製作，完美配襯手袋經典嘅圓形線條。粗肩帶和方洞孔設計令手袋帶有一絲街頭風味，時尚型格。肩帶可自行調節長度，可作肩背或斜背。

POCHETTE MÉTIS （Rose pouder & Tourterelle）

LV熱賣款式之一嘅「郵差包」POCHETTE MÉTIS今季同樣以Monogram Empreinte壓花皮革重新演繹，並改為小巧別緻嘅尺寸，推出八款顏色，充滿時尚氣息。太妍將玫瑰粉色和米色詮釋出兩種唔同風格。玫瑰粉色將太妍嘅可愛溫柔氣質展現得淋漓盡致，而米色為一身黑色酷炫連衣裙增添咗女性嘅柔美。

「郵差包」尺寸雖然變細，但容量依舊寬敞，非常適合上班族使用。另設有時尚嘅頂端手柄，亦可搭配可拆式長肩帶作肩背或斜背攜帶。

SINCE 1854 ONTHEGO GM

太妍為《W Korea》拍攝完雜誌封面後，獲得LOUIS VUITTON贊助最新系列嘅ONTHEGO GM手挽袋。見到呢款手挽袋令小編諗起Dior Book Tote，不過呢款Since 1854系列手挽袋嘅花紋更加時尚大器，而Dior Book Tote則較為優雅高貴。

ONTHEGO GM手挽袋採用全新設計嘅Since 1854提花紡織布料，靈感源自復古牆紙圖案，運用Monogram花卉圖案和代表品牌創立年份嘅數字1854組成。手挽袋搭配兩組長短手柄，可手挽或單肩背，內部空間寬敞，就連太妍嘅愛寵Zero都可以裝得入，係一款用途多變嘅日常袋款。