早前韓劇《雖然是精神病但沒關係》和陸劇《三十而已》係眾多女性熱論嘅話題，兩套劇嘅女主角江疏影和徐睿知戲裡戲外都帶住CHANEL新款KISS-LOCK扣手袋出鏡，吸引唔少人注意！

因《三十而已》人氣暴升嘅大陸女星江疏影，之前喺機場穿著牛仔連身裙配搭黑色高筒帆布鞋，再襯埋CHANEL今年新款KISS-LOCK扣黑色迷你手袋，玲瓏小巧但不失時尚感，更同黑色畫家帽相呼應，望落青春活力。

KISS-LOCK扣黑色迷你手袋出現喺江疏影嘅機場時尚中。（圖：江疏影吧）

而《雖然是精神病但沒關係》女主角徐睿知之前喺戲入面亦都拎過同款KISS-LOCK扣手袋，不過佢嘅尺寸較大，係KISS-LOCK扣手袋系列中嘅常規尺寸，包身比較扁。

徐睿知喺《雖然是精神病但沒關係》曾拎常規KISS-LOCK扣手袋。（圖：摘自Netflix）

KISS-LOCK扣手袋共有兩個尺寸，分別係迷你和常規。手袋皮面由小羊皮製成，非常柔軟，搭配CHANEL經典菱格紋縫線、皮穿鍊鏈條和CC Logo金屬扣。若睇厭咗經典款和BOY CHANEL，不妨考慮入手KISS-LOCK扣手袋，喺經典元素中再創新，別具特色。

常規KISS-LOCK扣手袋有黑金、紅金；
HKD 39,300

常規KISS-LOCK扣手袋-黑色（圖：CHANEL官網）
常規KISS-LOCK扣手袋-紅色（圖：CHANEL官網）

細號KISS-LOCK扣手袋有黑金和全金款。
HKD 31,300

細號kiss-lock扣手袋-黑色（圖：CHANEL官網）
細號kiss-lock扣手袋-金色（圖：CHANEL官網）