【本地小店】支持香港原創！5間高質本地文青服裝店
想買款式獨特和品質好嘅文青風衣物？唔一定要揀外國牌子，香港原創品牌都一樣有高品質設計！文青控嘅你快啲bookmark低啦～
依家行街買衫不外乎係去光顧外國連鎖品牌，例如H&M、Zara、GU或UNIQLO等。其實香港本地都有好多出色嘅原創設計服裝等緊大家挖掘，而且都有高質嘅岀品。以下小編為大家盤點岀5間自家創作高質品牌！
Mamamamarket喺Instagram人氣頗高，除咗充滿活力嘅版面設計吸引人外，品牌嘅設計款風格亦深受歡迎。所有服裝採用自家原創設計，唔會局限於單一風格，以休閒舒適為原則，更會喺細節位置注入充滿小個性嘅元素，產品非常多元化，能滿足不同顧客嘅需求。
dddouble.c係一間布藝手作小店，主打簡潔日系風，由挑選布料、裁剪、設計、車縫都係由兩位90後店主親手製作。每件衫和每一條裙都能搭配出多變穿法，所有唔同形態嘅裙都係限量發售。兩位店主抱住「自己的裙子自己做」嘅信念，將熱誠投入於double.c，設計出多款文青風服飾俾大家。
FUMBLE嘅設計風格偏美式休閒City Boy風，圍繞「簡約寬鬆」、「層次變化」和「混搭風格」三大核心，不被顏色或款色局限，以中性亞洲年青人為對象，大部分款式男女皆宜。品牌起初主打年青人常用嘅「帆布袋」，所以取「帆布」為其音便成為咗品牌嘅名「FUMBLE」。獨特嘅設計風格展現咗香港另一面嘅文化特色。
clouddd.li嘅產品多以裙裝為主，無論係半身裙、吊帶群或連身裙，都係傘裙版型設計，既能修飾身材又能視覺上提拉身高。配上獨特嘅雙布料剪裁設計，盡顯可愛又有個性。所有服裝都由女店主親手設計及製作，
THE係本港設計和製造嘅服裝品牌，以簡約中性風格為主，服裝線條及圖案極為簡單，多以黑白灰等色設計，不論男女兼可駕馭，同時亦能展現屬於自己嘅獨特個性。品牌亦非常著重耐久度，以面對時秒萬變嘅環境，每一件衫都經過思考細慮嘅設計去呈現每人本質嘅可塑性。
