雖然依家科技發達令閱讀越黎越唔需要實體書，但仍有一眾閱讀愛好者鍾意紙張嘅觸感。香港除咗誠品、商務等大型連鎖書店，其實仲有好多隱世書店和二手書店！以下5間本土書店，每一間書店都充滿特色，售賣嘅書籍更甚至係連鎖店冇賣，極力推介鍾意買書嘅朋友前往光顧！
禪語中「見山不是山」，店主Sharon希望人們來到見山書店，見到嘅唔單係一間書店，而係背後無盡嘅閱讀世界。店內有新書和二手書售賣，類型集中喺文學書藉，閒時仲會舉辦讀書會和市集，讓更多志同道合嘅讀書友相聚分享。
地址：上環太平山街6號C鋪
營業時間：平日11:00 – 18:00，週末12:00 – 6:30
你有冇見過街市有書店呢？呢間解憂舊書店藏身於大埔寶湖街市內，主要售賣二手舊書，種類多樣，定價低廉，十幾廿蚊就可以成交。店中亦設有漂書架，讓好書自由免費流轉取閱。
地址：新界大埔寶湖道街市F021
營業時間：11:00 – 20:00
「生活就是社運」係書店嘅經營原則，兩位店主認為生活應該要多樣化，學問亦唔應該得一個講字，而係要從生活中體現出來。書店除咗賣書，仲有唔同嘅生活用品、雜貨，甚至月經杯呢類打破傳統嘅新產物。
地址：元朗鳳攸北街5-7號順豐大廈39號地鋪
營業時間：12:30 – 19:00
序言書室位於繁華鬧區旺角之中，冇特別風格嘅裝潢，只係一間普普通通有書架和書在內嘅書店。但序言書室嘅不同之處係，可以喺有限嘅空間內經常舉辦各種類型嘅活動、講座。店內嘅書籍以經典哲學書籍、港台詩集等為主，亦設有二手書區，以文史哲為主。
地址：旺角西洋菜南街68號7字樓
營業時間：13:00 – 23:00
「清明堂」呢三個字好似好中式古典，但原來呢間書店係專門售賣英文書，由一位回流港人和其美國妻子一齊創辦。每一本書都由店主親自挑選，店內嘅書籍種類多為社經藝文、繪本漫畫都有，仲有講香港故仔嘅專題書。鍾意睇英文書嘅朋友仔一定唔可以錯過！
地址：新蒲崗八達街9號2705
營業時間：星期一、三至五 12:00 – 18:00 、星期六11:00 – 13:00 / 14:00 – 19:00
