多啦A夢係眾多人嘅童年回憶，不知不覺間已經踏入第50周年，日本郵局今次推出「多啦A夢50周年紀念系列」，三款可愛又實用嘅商品，多啦A夢迷必買呀！

「多啦A夢50周年紀念系列」嘅商品分別有多啦A夢郵筒T恤、環保袋以及旅行袋。商品將漫畫中嘅經典畫面印製成T恤同包包圖案。

日本郵局推出「多啦A夢50周年紀念系列」

多啦A夢郵筒T恤（售價：3,900日圓，約港幣$390）
以百搭嘅黑色為主，中間有個「O嘴」嘅多啦A夢，佢嘅口仔可以擺嘢入去，仲可以拉出一個「信封」，原來係多啦A夢版郵筒，好鬼馬呀！

「多啦A夢50周年紀念系列」T恤

多啦A夢環保袋（售價：1,700日圓，約港幣$125）
環保袋有藍、紅兩色可揀。藍色環保袋嘅圖案同上面T恤一樣係多啦A夢版郵筒；而紅色環保袋就變咗一個拉鏈袋，上面有多啦A夢同大雄投遞信封嘅漫畫場景。環保袋可以折疊掛喺書包，好方便使用！

「多啦A夢50周年紀念系列」環保袋

多啦A夢旅行袋（售價：2,300日圓，約港幣$170）
旅行袋容量超級大，而且可以折疊，攤開之後可以套入行李箱拉桿，方便攜帶，拉鏈處仲有個窿位俾你上鎖扣，非常貼心。

「多啦A夢50周年紀念系列」旅行袋

即刻去日本郵局網路商城入手多啦A夢50周年紀念限量商品啦！小編提提大家，呢個系列只喺日本郵局網路商城限定販售，不接受海外配送，所以大家需要搵喺日本有倉庫嘅轉運公司運送到港。

網購小貼士💡：海外網購時總會遇到「唔侵你玩」嘅問題，例如只限內銷、運費貴到你唔想買！呢個時候 Buyandship 國際網購轉運幫到你！
➡️➡️➡️ 首次試用Buyandship減$12
📦📦📦 攞Buyandship地址去網購才是王道
✈️✈️✈️ 如何使用Buyandship 😎睇呢度