【海外網購攻略】Black Friday2020：靚聲Marshall音箱耳機大降價

Marshell係英國其中一個知名嘅音響品牌，雖然音質唔係最高級，但用作日常音響簡直綽綽有餘！佢復古嘅外型，加上金鋁色嘅標誌設計，顏值十分高！而且價錢屬於中位，所以吸引咗好多對音色有追求嘅基本用家！但係香港售價往往都比外國貴，所以小編望到啲價錢都有啲卻步。

不過襯依加Black Friday嘅機會，各位可以用最抵嘅價錢入手喺Marshall各款人氣產品啦！

1.MAJOR III Headphone

雖然已經出咗MAJOR IV，但係官網已經賣到冇曬貨啦，MAJOR III仍然係一個唔錯嘅選擇，佢用咗藍牙aptX技術，減少音畫唔同步嘅問題，有超過30小時嘅電量，又可以無線同有線切換，而且仲有折疊設計，方便收納。香港嘅售價係HK$1,299，但係喺Marshall美國官網現已減至US$69.99（約HK$542）。

2.Stockwell II Speaker

依個款式喺2019年推出，主打戶外使用，有手帶可以隨身攜帶，只係重1.4公斤，仲有可以有10米遙距藍牙連接，露營嘅時侯帶埋去就最Chill啦！可攜式喇叭最關注嘅就係防水功能，佢哋嘅防水功能達到咗IPX4防潑水程度！但佢都係有立體聲，唔會影響係戶外聽歌嘅音質。香港售價係HK$1,799，而美國Amazon就賣緊US$99.99（約HK$775），係咁多款入面最抵嗰款。

3.Kilburn II Bluetooth Speaker

依款就係方便屋企細細嘅人啦，佢好似迷你版嘅ACTION II，放係屋企唔會晒位。但係同樣以戶外用藍牙音箱做基礎，有20小時嘅電量，重3公斤，有5.0 aptX藍牙技術，遠距離都唔會延遲聲音，佢都有IPX2防潑水設計！香港售價係HK$2,899，而美國Amazon嘅售價係US$248.99 （約HK$1,929），平左接近一千！

4.Stanmore II Speaker

Stanmore可以話係Marshall嘅皇牌產品，佢作為音響嘅表現非常頂級，就算係最高音量，都唔會出現雜音，加上有藍牙無線播放，可以用電話APPS去控制音箱嘅音量，仲可以一次連接兩部電話㗎！係香港嘅售價係HK$3,349，而依加係美國Amazon嘅售價係US$325.00（約HK$2,519），仲平過喺香港買Kilburn II Speaker！

5.Uxbridge Speaker

Marshall亦都跟隨左時代，係2020年最新發布嘅新品度，加入左語音智能，仲有互動功能。佢係除咗係一部音箱，仲係一部人工智能！佢嘅體積細細，放喺工作枱上面岩岩好，可以一邊做嘢同一邊聽歌，亦都將佢嘅按鈕就圓形變成更加時尚化嘅直條。而香港嘅售價就係HK$1,799，而美國 Amazon嘅售價係US$149.99（約HK$1,162）雖然平得唔多，但仍然都好抵買。

6.Acton II Speaker

Acton II唔係最高設置嘅一個產品，但絕對係最多人會入手嘅產品！佢係居家音箱系列入面體積最細小，而且音質方面一啲都唔差，同時有雙高音單體與低音單體，平衡到各方面嘅音色！外表都係用經典設計，充滿復古味。當然佢都配有藍牙5.0用黎無線播放音樂！香港賣緊HK$2,399，而美國 Amazon嘅售價係US$249.99（約HK$1,937）。

7.Woburn II Speaker