韓國藝術家Min Jeong Seo創作嘅「To Live On」展覽氣氛陰森沉重。踏入展覽廳，只見一列列浸泡在鹽水袋嘅玫瑰花懸掛在空中，而背後白墻中央的藍紫色玻璃窗，仿佛隱喻著教堂嘅十字架花窗玻璃。雖然玫瑰花瓣光鮮亮麗，但卻毫無生色，與枯死的根部形成強烈對比，宛如一具具被冰凍的屍體，一片死寂，散發著一絲絲悲哀嘅氣息。

To Live On展覽（圖：artandsciencejournal）

展覽中，枯萎嘅玫瑰花借助裝滿藥水嘅鹽水袋得以繼續生存，Min Jeong Seo希望藉「To Live On」表達對醫學進步與生命延續嘅看法。

To Live On展覽（圖：artandsciencejournal）

枯萎嘅玫瑰一旦離開鹽水袋，便會再次枯萎。暗示如今醫學昌明嘅世代，醫療的確延長咗人類壽命，但若脫離咗醫療儀器與藥物嘅救助，仲能繼續生存嗎？人類拼命研發醫療技術希望延長壽命，但最終卻要依賴鹽水袋生存，咁又是否真係「活著」？究竟人類有冇被醫學拯救？

「To Live On」展覽引發大眾對醫療科技和人類生命的反思，雖然很沉重，但係一個非常有意義嘅展覽。