海底撈嘅另類招牌就係貼心嘅服務，內地撈底撈服務花樣五花八門，例如有免費癡Mon貼、免費gel甲，甚至送原隻西瓜都有，最近內地海底撈更踩過界向美妝界進發！

有網友上載咗海底撈派發嘅「面部套裝禮盒」，入面有三樣禮物，分別係「淨柔卸妝濕巾」、「淨柔吸油面紙」和「火柴口紅」。

（圖：小紅書@Chestnuts醬_）

當中「火柴口紅」得到廣泛網友嘅激讚，「火柴口紅」禮盒中有兩支火柴狀嘅一次性唇膏。左邊係復古紅，顏色較深，右邊係爛番茄色，顏色偏亮而且帶有一點橙調。唔少網友都上載咗試色圖，話「火柴口紅」係啞光質地，唔乾唔油，效果比想像中要好，仲大呼要海底撈出貨裝版。

（圖：小紅書@豆原茉彌、@小慫啊）
兩位內地網友都試咗右邊爛番茄色（圖：小紅書@芋圓、@年糕是只小饞貓）

睇完試色圖，小編都好想試下，可惜香港海底撈暫時冇呢個服務。