每個屋企都幾乎有嘅「Vaseline（凡士林）」，其滋潤效果相當好，不過大家大多數都係當作唇膏或滋潤局部皮膚使用。近年越來越多人破解到凡士林嘅新用法，如去黑頭、長睫毛等隱藏用法！等小編話你知呢款平價萬用膏有什麼妙用吧。
1. 滋潤身體
睡覺之前喺皮膚乾燥嘅部位塗上厚厚一層凡士林，然後冚被，利用體溫幫凡士林加熱，咁樣凡士林會為皮膚深層保濕，第二天朝全身嘅皮膚又嫩又滑。如果你鍾意有香味嘅身體潤膚乳，也可以將凡士林與乳液混和，效果一樣非常好！
2. 去黑頭粉刺
洗完臉後用毛巾熱敷鼻子，有助毛孔打開，喺粉刺黑頭部位塗上凡士林，然後包上保鮮膜，再將溫毛巾蓋喺保鮮膜上，等待30分鐘後，就用棉花棒輕鬆將黑頭粉刺推出來。
3. 唇部去角質
凡士林可以作為角質軟化霜使用，小編曾介紹過一套日常護唇方法：用凡士林＋白糖，再用手指輕輕按摩唇部肌膚3分鐘後，用溫水將老廢角質清洗乾淨。護唇大法回顧：秋冬護唇大法！簡單3步告別乾燥雙唇
4. 作唇膜
將凡士林當作睡前唇膜使用，有助滋潤雙唇和減少唇紋，減少唇部甩皮情況，以及令第二天上唇妝更加服貼。
5. 作修復面膜
乾燥天氣令肌膚敏感又脫皮，凡士林含有油脂，偶爾作為面膜使用能為皮膚增添一層保護膜，鎖住水分。洗完臉後，臉上薄塗凡士林，用溫毛巾覆蓋眼部以外嘅地方30分鐘，再使用濕毛巾將臉上嘅凡士林擦去。呢個方法連GEM鄧紫棋嘅皮膚科醫生都有推介，不過大家千萬不要過量使用，否則會導致生暗瘡問題出現，喺非常乾燥嘅地方建議一個星期使用大約三次便足夠。
6. 促使睫毛增長
睡前使用乾淨嘅睫毛刷，塗上一點凡士林喺睫毛上，冇幾耐你就會發現眼睫毛越生越長，而且越黎越健康，唔會好易甩。
7. 柔順髮絲
凡士林鎖水功效可以用喺頭髮上！將凡士林塗抹喺乾燥髮絲上，可以令乾枯髮質變得柔順不打結。同時亦可以利用凡士林護理頭皮，洗頭之前，將少量塗抹於頭皮上，輕輕地按摩後再開始洗頭，此舉可以解決頭皮過於乾燥而產生嘅頭皮問題，但要注意用量唔好用太多，因為凡士林很難洗。
8. 去黑眼圈
對於資金有限嘅學生黨或小資女，可以試下用精華液或化妝水與凡士林混和，代替眼霜塗抹喺眼周，可以藉此改善黑眼圈，眼周肌膚乾燥和細紋等問題。不過凡士林嘅份量就要小心拿捏，若果眼周過度油膩會導致生痘痘或小肉芽。
9. 足部護理
若果你對腳出現咗死皮或老繭，喺睡覺前將凡士林擦喺腳上，然後穿上襪或保鮮膜，第二日你就會發現雙腳非常柔軟！
10. 眼妝增色
使用少量凡士林喺眼部打底，再使用眼影粉，顯色度更佳。
11. 曬後肌膚修復護理
曬後肌膚容易乾燥缺水，甚至甩皮，可以透過凡士林避免情況繼續惡化，同時隔絕外界污糟空氣，加速肌膚組織修復。
12. 拉鍊潤滑
有時拉鍊卡住，拉極都拉唔到，可以用凡士林直接塗於拉鏈之上，轉眼間就順滑無比。
13. 防止新鞋刮腳
有時著新鞋頭幾次都會刮到腳後跟損曬，尤其女士著高跟鞋，將凡士林塗喺鞋嘅腳後跟位，可以增加潤滑效果，減少腳後跟和鞋子嘅摩擦。
14. 令香水更持久
噴香水前，將噴灑香水嘅部位塗上凡士林，再使用香水，會令香味更持久。
15. 清潔衣物污漬
如果衣物唔小心沾染到化妝品或油漬等，只要喺污點處塗上凡士林就會清洗得更乾淨。利用濕毛巾沾凡士林，可清潔被化妝品沾染嘅衣物、床單、枕頭等布料。
