近期大受好評嘅美妝小冰箱，係保存化妝品和護膚品嘅專用冰箱，讓你嘅護膚品長期處於適當嘅溫度下，避免變質，咁好嘅功能小編覺得每個女仔都應該擺一部小冰箱喺屋企！
如何適當保存護膚品其實係一門學問，因為即使放置喺陰涼處，空氣仍會因為天氣變化而升溫，從而影響護膚品嘅效能。若長時間將護膚品存放於高溫中，會加快有效成分失去活性，導致變質；至於存放喺低溫中則容易發生結晶、固化或油水分離嘅現象，解凍時也會讓產品質地變得不穩定，甚至可能會刺激皮膚，所以好多人將護膚品放入家用冰箱並非一個正確嘅保存方法，更可能會沾染到冰箱內食物嘅味道！唔想護膚品變質就要使用美妝小冰箱長效恆溫啦。
美妝小冰箱體積一般小巧而不佔空間。冰箱溫度介於4-7度，微涼嘅溫度可以有效守護你的護膚品與化妝品。雖然係「小冰箱」，但內部容量其實可以放置到唔少物品，除咗瓶瓶罐罐嘅護膚品，面膜、美容儀、按摩棒都可以收納入去！
美妝小冰箱會有好多唔同顏色選擇。唔少人會為美妝小冰箱貼上貼紙裝飾，打造專屬嘅保養小空間。香港暫時未有類似產品出售，有興趣嘅朋友可以去淘寶度揾下架。
