香港人雖然屋細細，但對於家居設計一啲都唔馬虎。有咁靚嘅屋企，點可以唔買啲靚靚小家電襯托下？等小編即刻介紹翻幾款係香港容易揾到又唔同價位嘅復古小家電品牌俾大家啦。

1.SMEG

相信大家對SMEG一啲都唔陌生，係大型電器零售店都會見到佢身影，無論係雪櫃，電水壺定多士爐設計都充滿住復古嘅味道俾佢吸引住。而SMEG係1948年意大利成立，係世界上最大嘅專業廚房電器生產商之一，有成72年歷史架。由此可見，佢地嘅產品唔止個外型靚，功能性都一樣好放心。

各款家電價錢由HKD2000起（圖：SMEG官網）

2.DeLonghi

而另一個意大利家電品牌亦都推出左「Icona Vintage」早餐系列嘅小家電，Icona係意大利文，即Icon咁嘅意思，代表優雅生活。呢一系列嘅早餐小家電有電水壺，多士爐同最受歡迎嘅咖啡機。價錢比SMEG平一半，預算唔高嘅朋友可以考慮下呢個品牌呢。

各款家電價錢由HKD700起（圖：DeLonghi官網）

3.Toffy

Toffy於2016年係日本成立嘅品牌，以小巧，高性價比作賣點。親民嘅價錢受到日本一班小資女熱捧。而設計小巧就好適合寸金呎土嘅香港，就算買齊一系列家電都唔佔空間。馬卡龍嘅復古配色，更加係一眼就捉住到我地目光。性價比咁高，仲唔快啲入手一個？

各款家電價錢由HKD300起（圖：Toffy官網）

以上所介紹嘅品牌，係香港各大電器零售店都有賣架。