日本小店原創絕美玻璃飾品

Printemps係一間日本嘅IG shop，所有產品都由店主_ymst設計，Printemps嘅招牌飾物特色係通透嘅玻璃，係市面上非常少見嘅款式，獨特嘅設計深深吸引到小編。飾物款式非常簡約大方，多為圓形或波浪形，猶如凝固住嘅水柱。

Printemps法文係「春天」嘅意思，正所謂一年之計在於春，春天令人有種重新出發，努力向前嘅積極心情，所以_ymst決定將品牌命名為「Printemps」。

Printemps每一件飾物都承載住_ymst嘅祝福，佢希望大家唔單止喺春天會有積極嘅態度，連夏天、秋天、冬天都可以佩戴Printemps嘅飾品保持正面，每日笑容滿面，幸福地生活。

所有飾物採用唔易碎嘅硬玻璃製成，無論係純色玻璃或撞色玻璃，喺陽光下晶光透亮，極之靚。由於係店主手工製作，所以每一款戒指、耳環、手鐲嘅形狀都唔同，可以買到獨一無二嘅飾物，設計獨特又唔會撞款。

有興趣可以去Printemps嘅Instagram@printemps_ymst了解，或去佢哋網站購買。