呢部腳踏式自動販賣機所有選項以都係用腳踏按鈕取代，唔洗用手都可以輕鬆買到野飲，連野飲出口擋板嘅開關都可以用腳控制，整個購買過程唔似以前咁用雙手去控制，減少我地接觸到販賣機嘅機會，減低病毒的傳播風險。
題外話日本自動販賣機除左供人24小時都可以買到飲品/食品外，其實佢仲有兩大好重要嘅用處架。你地又知唔知？
用處一
自動販賣機嘅機身都會有個獨立嘅編號，就好似香港嘅街燈咁。如果你係街度迷左路，又甚至發生左一啲嚴重嘅事故，例如撞車咁。只要打電話報警求救嗰陣提供埋呢個獨立嘅編號，佢地就要知道你身處嘅位置，盡快去提供到協助。
用處二
日本好多食品同飲品公司都與當地政府合作，擁有「災害時救援應對機」，呢種自動販賣應對機會係災害發生嘅時候解鎖，為市民提供免費的食品和飲品。真係不得不偑服日本人嘅細心。
