每年秋冬季日本M記都會推出暖笠笠嘅朱古力批，之前推出嘅黑、白三角朱古力批非常受歡迎，M記今年繼續乘勝追擊，推出全新「戀愛三角朱古力批」！係唔係覺得好吸引呢？

呢個以「恋」為題嘅新甜品係Tiramisù提拉米蘇味，內含Mascarpone芝士朱古力和咖啡忌廉，味道既甜又帶點苦味，小編齋睇宣傳圖都已經忍唔住流口水，包裝上兩個心型透氣孔都非常可愛。

「戀愛三角朱古力批」將於11月11日開始限定發售，可惜依家冇得親身去日本品嚐，希望香港M記今年都會推出有特別口味嘅朱古力批啦。