日版日清杯麵杯底貼紙之迷思

日清杯麵係香港人由細食到大嘅麵食，所以情有獨鐘。日清系列杯麵有分港版同日版，除咗味道上有差別之餘，原來日版包裝上有個巧妙位係港版冇架！

日版日清杯麵嘅杯底，包裝薄膜外面仲會貼住一張「フタ止めシール」嘅小貼紙，呢張係痴住個杯蓋嘅貼紙！有咗呢張貼紙，大家就唔需要再搵書壓或攞叉拮住杯蓋啦，個封口就唔再危險同麻煩。日版呢種為顧客著想嘅貼心設計真係好值得讚賞呀！

大家下次去日本掃杯麵嘅時候，可以留意一下底部有冇貼紙啦。