村上隆「花朵下午茶」 在味蕾上行走的藝術

往往村上隆嘅商品、合作同展覽都會引起一鼓熱潮，上年喺大館嘅舉行嘅個人展覽「村上隆 對戰 村上隆」吸引左大批觀眾入場欣賞依位著名當代藝術家嘅作品，而今年亦都同囑目樂壇女歌手Billie Eilish合作推出一個系列嘅Uniqlo UT。

近日，日本東京君悅酒店同「STARS展：現代美術的巨星們―從日本到世界」展覽合作。依個展覽亦有草間彌生同奈良美智等重量級日本藝術家參加，係日本森美術館由7月31日至2021年1月3日舉行。因此GRAND HYATT TOKYO推出左村上隆花為主題嘅下午茶，當中有好多花嘅甜品，一定會眼花瞭亂！

甜品包括有花瓣的起司蛋糕慕絲，而Hyatt入面嘅人氣甜品聖誕蛋糕「泡芙塔」都會而花嘅形式呈現出黎！除左甜點，都會有5種例如煙燻鮭魚、火腿同芝士等等嘅鹹點。茶方面就會有洛杉磯品牌「ART OF TEA」。另外，係1樓嘅「Fiorentina Pastry Boutique」都會有得買12色村上隆花糖霜餅！

下午茶係期間限定架！由11月1號至12月23號會喺東京君悅酒店2樓嘅法國廚房，由3點至5點（限時90分鐘）！有興趣嘅朋友可以上佢哋嘅網站預訂架！

花朵下午茶（フラワーアフタヌーンティー）

價錢：¥4,800＋税