歷代iPhone特性逐個睇

時至今日，iPhone已經踏入第十周年，短短十年間Apple共推出咗15部iPhone，每次推出新型號iPhone都突破咗人類嘅智能電話體驗，亦無數次刷新咗電子產品嘅銷售記錄。小編為大家整理咗15部iPhone嘅特性，睇睇大家最鐘意邊部？

第一代iPhone：手觸式屏幕 & iOS介面
以前嘅智能電話都採用電阻式屏幕，要用觸控筆先可以控制屏幕，非常唔方便。第一代iPhone首次採用電容式屏幕，令手指可以輕鬆操作屏幕！呢個突破功能使日後嘅智能電話爭相仿效，成為今時今日智能電話嘅主要特性。

Apple工程團隊亦將iOS系統移植到電話上，革新嘅操作界面簡單易用，智能電話界亦自此分為iOS及Android陣營。iOS令iPhone成為全球最好嘅智能電話，亦令智能電話嘅受眾從商務人士走向一般用戶。

iPhone 3G：隨時隨地上網 & App Store誕生
第一代iPhone只可以連WiFi上網，iPhone 3G實現咗隨時隨地上網收信等功能。不過，iPhone 3G最重要嘅更新係App Store嘅誕生，令用戶可以透過App Store快速download應用程式，各地嘅工程師亦可以喺App Store上開發各種APP供人下載。

iPhone 3GS：錄影 + Copy and Paste
iPhone 3GS係強化版，變化唔算太大，多咗錄影功能之外，亦多咗Copy and Paste功能！

iPhone 4：Retina屏幕和玻璃外型設計
iPhone 4應該人人都不陌生，呢個絕對係iPhone邁向巔峰之作。前後玻璃貼合機身設計，以及Retina屏幕，成為全球最靚嘅智能電話。iPhone 4係第一款有前鏡頭嘅iPhone，Apple嘅FaceTime功能亦隨之投入服務。

iPhone 4s：Siri誕生
iPhone 4s誕生咗Siri。

iPhone 5：扁平化設計和Lightning接頭誕生
iPhone 5係Steve Jobs離世後嘅新一代iPhone，做咗非常多嘅革新，接頭全部改為Lightning接頭，整部機都係鋁製機身。連作業系統iOS設計元素都全面改造為扁平化設計，當時引起非常多的論戰，也確實從那時開始，iOS 作業系統開始邁向複雜化設計。

iPhone 5s ：指紋辨識Touch ID現身
iPhone 5s增加咗指紋辨識功能Touch ID，係非常實用嘅強化功能。

iPhone 5c：多彩塑膠殼
iPhone 5c係Apple第一款平價版iPhone，而且各種繽紛色彩可以選擇，分別有綠、藍、黃、紅、白五種顏色。

iPhone 6 & iPhone 6 Plus ：Apple Pay & 玫瑰金
當時Samsung推出Note系列後，全球風靡大屏幕電話，Apple亦喺iPhone 6推出 4.7吋屏幕及 5.5吋屏幕。Apple Pay亦都係iPhone 6出現，並由Touch ID實現一指支付。iPhone 6系列最大話題一定係玫瑰金，呢個顏色當時非常熱賣，甚至炒賣價都要貴啲。