聖誕節作為全球最盛大節日之一，所有大品牌都會爭相於推出主題產品，LEGO都不例外，每年聖誕節都有一至兩個節日限定款，而且非常搶手，很多時候推出冇幾耐便即刻售罄。小編帶大家回顧下近幾年LEGO曾經推出過嘅聖誕限定款啦！

【2020】Christmas Wreath 2-in-1（#40426）

今年LEGO個聖誕限定款係一個聖誕花環！小編覺得非常逼真，呢款2合1套裝設有可拼砌個紅色蝴蝶結，另有4個磚砌蠟燭，代表基督降臨節嘅四個星期。以及葉子和漿果元素在內。既可以掛喺牆上作掛飾，又可平放作桌面聖誕裝飾，變化多元！美國官網售價為US$34.99（約HK$271），可惜已經售罄。

【2019】 Christmas Tree（#40338）

2019年聖誕嘅限定款係聖誕必備嘅聖誕樹！聖誕樹可以旋轉，而樹下仲設有一架迷你火車圍繞住聖誕樹。不過呢個聖誕樹組合係非賣品，要喺Lego Store購買指定金額，先可以免費獲得呢個聖誕樹組合。

【2018】Christmas Carousel（#40293）

2018年嘅限定款係一個聖誕旋轉盒，透明底座有連動機關，只要轉動旁邊嘅手把，齒輪就會運轉，上面嘅小火車亦都會跟住轉動。

【2018】Christmas Gift Box（#40292）

除咗上面嘅聖誕旋轉盒，2018年LEGO仲有推出另外一款限定款，就係呢款聖誕禮物盒，相當有睇頭，外型係一個禮物盒，打開禮物盒入面係一個充滿聖誕氣氛嘅溫馨屋子，仲有兩個LEGO人仔！既能擺住當裝飾又能拆開玩，非常記得收藏。

【2017】The Nutcracker （#40254） 

胡桃夾子限定聖誕款都相當吸睛！胡桃夾子嘅眉毛和鬍鬚可以轉變方向，做出唔同嘅表情，仲可以上下揮動胡桃夾子嘅手臂，很有趣。不過呢款都係非賣品，要喺Lego Store購買指定金額，先可以免費獲得。

【2016】LEGO® Snowglobe（#40223）

呢款聖誕水晶球係一款較為實用嘅擺設，上層係透明嘅外罩包住聖誕老人與聖誕樹，下層嘅薑餅屋係一個小櫃桶，可以收納小型物件，設計巧思。同樣地，聖誕水晶球都係非賣品。

【2015】Christmas Train（#40138）

載滿禮物嘅聖誕小火車出發啦！2015年嘅聖誕限定款非常豐富，除咗有一列三卡火車，仲有聖誕樹和小禮物等配件。