去日本自由行出行最方便一定係搭電車！大阪梅田與京都之間有一列新電車，名為「京TRAIN雅洛號」，奢華嘅內部裝潢和高品質嘅服務，吸引咗唔少當地人和遊客注意。

（圖：railf）

「京TRAIN 雅洛號」列車於2019年3月開始行使，穿梭於大阪梅田與京都河原町之間，共有六節車廂，以京都春、夏、秋、冬、早春、初秋等六個季節為主題，變化出六套不同嘅風格裝潢，當中還融合咗許多日本文化元素，例如榻榻米坐墊和日式印花座凳。即使每次來回搭同一架列車，乘坐唔同嘅車廂都會有不一樣嘅體驗。全車更有免費Wifi，非常貼心！

（圖：Hankyu官網）

「京TRAIN 雅洛號」列車只限週六、日同國定休假日行駛，乘客無需預約，而且只需支付普通單程票價400日圓，就可以享受到高質感搭車體驗。其實早喺2011年，有架「京TRAIN號」同樣係運行大阪梅田與京都之間，內裝以「摩登和風的京都町家風情」，讓乘客一搭上車就可以感受到京都優雅氣氛。今年開始「京TRAIN號」與「京TRAIN 雅洛號」將會輪流為大眾服務。

（圖：Hankyu官網）

下次去關西旅行不妨去感受一下呢列充滿日式風情嘅電車！更多有關「京TRAIN 雅洛號」的詳情可以去官網查看：bit.ly/387n0rM