逼真度100%！日本bubble紙雨傘
超解壓bubble紙雨傘，粉紫粉藍超夢幻配色，彷如大海中嘅珍珠，係一款能帶給人好心情嘅雨傘！
相信大家見到bubble紙都會好鍾意按爆佢，日本Cocilaelle推出咗一款「bubble紙雨傘」，繽紛夢幻嘅顏色超療癒！
雖然呢款雨傘唔係用真正嘅bubble紙製作，但有超逼真嘅bubble紙圖案，bubble形狀大小不一且色彩繽紛，超級夢幻嘅粉紫色、米灰色仲有霧感嘅水藍色，讓人落雨天都能有好心情。當雨點滴落喺傘面上，會發出類似bubble紙爆破嘅聲音，非常療癒。
bubble紙雨傘除咗有直傘款式外，仲有方便攜帶嘅折疊式雨傘，兩款價格都係¥21,000（約HK$1,557），價格偏貴，但質感絕對不馬虎！
