陶瓷控必睇！日本「xx燒」介紹

係日本，瓷器上面大多印有「xx燒」字樣，而「xx」嘅意思係瓷器燒制的地方。例如有田燒，就係指係日本有田燒制嘅瓷器啦。今日就為大家介紹兩個成日都會聽到嘅陶瓷品牌啦。

美濃燒

美濃燒係日本最耐歷史嘅陶瓷之一，有成1300年歷史架。岐阜縣就係美濃燒燒制嘅地方啦。 產量係佔據左日本陶瓷的60%，係日本最出名嘅瓷器啦。點解佢咁出名？因為價錢相對便宜，大概幾十至百塊都有交易。而佢嘅特別之處就係充滿住和風味道，樣式精緻。從1986年開始每隔3年更加會舉行一次全世界最大嘅陶瓷文化節「美濃國際陶瓷文化節」。

有田燒

而有田燒燒制嘅地方就位於日本九州有田町，被稱為「日本景德鎮」。由於有田燒係係伊萬里港出口嘅，所以有田燒又叫「古伊萬里燒」。而有田燒最大嘅特色就係在於輕同薄，瓷器白瓷搭配手繪唔同顏色嘅傳統日式圖案，好華麗架。去過九州嘅人都一定會買翻隻有田燒做手信架。