位於日本四國高知市嘅「安居溪谷」係當地數一數二嘅賞楓名勝，唔少人都會選擇自駕遊去呢到玩足兩日一夜！「安居溪谷」嘅溪河被譽為「日本最美的河川」，水質清澈見底，連河底嘅石頭都清晰可見，水面閃耀住鈷藍色光輝嘅樣子被稱為「仁淀藍」。
雖然呢個美麗嘅「仁淀藍」一年四季都可以看到，但11月至3月嘅藍色最為明顯。「安居溪谷」四面都係原生林和聳立嘅懸崖，溪谷約有10公里之長，遊客於步道散步嘅時候可以好近距離觀賞大大小小嘅瀑布。
秋高氣爽之時，周圍嘅樹林便會染上大片紅色，與「仁淀藍」嘅溪流形成強烈對比。
溪谷附近有許多茶園，「池川茶園CAFE」係當地茶農自己經營嘅Cafe。喺茶園享受著一杯香醇嘅日本茶和茶點，慢慢觀賞著青山綠水嘅河景，格外愜意。附近亦有兩個露營場，環境非常清幽，想更加親近大自然嘅朋友可以考慮露營。
池川茶園CAFE
電話：0889-34-3100
地址：高知県吾川郡仁淀川町土居甲695-4
營業時間：10:00~18:00
連結：官網
下啦！
