上次帶大家參觀完Chanel餐廳，重燃起各位去旅行嘅心，小編今次繼續帶大家參觀全球第一間嘅Dior Café！
Dior Café係與法國著名甜品品牌聯手開發嘅，全名為Café Dior by Pierre Hermé，座落於韓國首爾高級地段狎鷗亭精品大道上，整棟全白無暇嘅建築猶如花苞綻放般，右邊建築有Dior經典藤格紋牆面，上方仲有品牌元素之一嘅五角星。
Dior Café位於建築嘅第五層，打開電梯門嘅一瞬間，立刻有撼動人心嘅視覺衝擊，Café採用銀灰色系極簡裝潢，以及大量大理石襯托，給人一種寧靜優雅感。
Café有戶外區、室內區、閱讀空間和半開放式包廂提供予客人享用下午茶。書櫃上仲有近期Dior品牌代言人們為封面嘅雜誌書籍，可以隨便翻閱。
見到個Tea Set小編真係好想立即飛去首爾！整個Tea Set望落精緻美味，散發著一種高級優雅嘅氣息，就連餐具都印有經典藤格紋，冇Dior Logo都知道係Dior出品！Dior Café所有甜品都係由Pierre Herme製作，所以精緻嘅馬卡龍和蛋糕，無論外觀和味道都保證有水準！MENU內文為法文、英文和韓文，建議大家可以直接問Café服務員詢問招牌餐點。
影得又食得，大家下次去首爾一定Dior Café朝聖呀，食完個靚Tea仲可以落樓下Dior時裝店shopping！
Café Dior by Pierre Hermé
地址： 464 Apgujeong-ro, Cheongdam-dong, Gangnam-gu, Seoul, 韓國
