呢支設計簡約帶有現代時尚氣色嘅酒樽，一定難以聯想到日本清酒吧？來自墨爾本清酒品牌Toji Sake以非常規嘅酒樽造形，配上簡潔嘅標簽，適度嘅留白營造出一種神秘感，突破咗傳統嘅日本清酒造型，深深吸引咗唔少人嘅注意。

墨爾本清酒品牌Toji Sake（圖：IG@tojisake）

Toji Sake清酒非原自日本，而係澳洲墨爾本。創辦人Yuta Kobayashi出生於日本，幼年時祖父總會喺下午小酌一杯清酒嘅場景令佢留下咗好深刻嘅印象，促使他決定將日本嘅清酒文化傳播出去。

Toji Sake以非常規嘅酒樽造形，配上簡潔嘅標簽。（圖：IG@tojisake）

Yuta以有「首席釀酒師」之意嘅日文「杜氏（Toji）」命名品牌，不過佢選擇喺包裝設計以及味道上跳出傳統，結合墨爾本嘅文化，創出與眾不同嘅新時代清酒。極具現代感嘅簡約包裝，即使放喺裝修新潮嘅餐廳亦唔會有違和感。

墨爾本清酒品牌Toji Sake（圖：IG@tojisake）（圖：IG@tojisake）

味道方面有別於傳統清酒，Toji Sake係屬於非常清淡型嘅清酒，易於入口，尤其適合唔中意太濃或太嗆口嘅女士。

Toji Sake清酒於日本製造，分別有黑、白兩個系列。（圖：IG@tojisake）

Toji Sake清酒於日本製造，分別有黑、白兩個系列：

黑色Tōji Junmai Ginjo 720ml
AU$45.00（約HK$255）
散發淡淡嘅奇異果果香，不含麩質、添加劑和防腐劑。

Tōji Junmai Ginjo 720ml（圖：IG@tojisake）

白色Tōji Junmai Daiginjo 720ml
AU$65.00（約HK$370）
散發淡淡蘋果果香，價格會比黑色較高，因為精米度較低，品質相對較高。同樣不含麩質、添加劑和防腐劑。

Tōji Junmai Daiginjo 720ml（圖：IG@tojisake）

包裝設計如此簡潔大方嘅清酒太有吸引力啦，有興趣可以去Toji Sake嘅官網了解更多！