氣墊粉底方便又好用，只要輕輕拍上臉就可以打造完美底妝。秋冬轉季膚質亦會跟住轉變，以下推薦6款唔同膚質啱用嘅氣墊粉底，想要擁有保濕不脫妝、遮瑕不卡紋嘅底妝就快啲啲落去啦！
【乾性肌膚】
DIOR 恆久貼肌氣墊粉底 HK$480
Dior氣墊粉底以全新改良配方，大大提升持久完美妝效，當中更含有86%護膚成分，令肌膚呈現完美無暇狀態，乾性肌膚唔洗擔心秋冬皮膚乾燥卡粉，因為粉底帶來24小時恆久完美妝效與24小時水潤保濕修護，讓肌膚整天保持水潤妝感，輕巧皮革包裝增添時尚風格，另外仲有推出DIORMANIA珍藏版，售價HK$510。
BOBBI BROWN 蟲草修護精華氣墊粉底 HK$690（附一個補充裝)）
Bobbi Brown呢款氣墊粉底匯聚各種珍貴成分，包括冬蟲夏草及活膚再生複合物，為肌膚補充能量並喚醒肌底光芒。配方糅合多種精華，包括透明質酸鈉丶含美容成分嘅稀有中草藥丶以及荔枝及青蘋果萃取物。除咗即時為皮膚補充水分，日復日使用更可滋潤肌底，美妝與美膚同時進行，絕對係乾肌恩物啊！
【油性肌膚】
Estée Lauder Double Wear 持久柔和啞光氣墊粉底 HK$460
Estée Lauder Double Wear粉底出名控油持久，同系列嘅氣墊粉底絕對係油性肌膚嘅首選！妝感柔和啞光，質地輕盈唔會厚粉，配合中度遮瑕，臉部大部分普通瑕疵都能遮蓋。能24小時防水抗汗，唔會氧化變色，全天候高效控油，即使微微出油，也會變成很透亮嘅奶油肌妝感！
YSL BEAUTY 昇級版輕透無重羽毛氣墊粉底 HK$$530
復古皮革包裝就已經非常吸引人，再加上超強控油妝感，全新配方新加入茉莉花瓣及新肌粉末， 有效防止底妝氧化變黃及抗汗抗油，16小時保持輕透霧光妝容 ，係油性肌膚不可錯過嘅氣墊粉底！
【混合性肌膚】
LANEIGE 霧感持久 Neo Cushion霜 HK$310
呢款氣墊粉底包裝神似Airpods，再配上低飽和度嘅可愛薄荷綠色，剛一推出就喺美妝界造成轟動。氣墊粉底主打霧感持久，結合超強遮瑕力與持妝力，適合混合性和瑕疵型肌膚使用。粉底質地輕盈，配合中至高度遮瑕效果可以修飾毛孔、肌膚瑕疵及不平滑膚質。另外，粉底亦有強效防汗配方，有助調控油脂分泌，持久保持妝容清新。
PONY EFFECT 絕對持久無瑕氣墊粉餅 KR￦39,000（約HK$267）
PONY EFFECT超熱賣嘅小金磚，小編覺得根本就係專為混合偏油肌膚設計嘅氣墊粉底。粉底採用兩樣獨家成分，柔光微粒粉質，會因應唔同膚質將妝感轉化為最適合每個人嘅無瑕狀態；保濕凝脂轉換科技，喺控油嘅同時亦可以維持底妝保濕唔浮粉。粉底妝感啞光清爽，強效嘅防水、控油、持久效果，混合肌膚可以考慮試用下！
