帽係秋冬必備嘅單品，唔單止可以禦寒，仲可以為你嘅秋冬Look加分！今年秋冬有4種帽款經常喺各大明星、模特嘅Instagram出現！

貝雷帽

復古又文青嘅貝蕾帽，可以修飾頭型和髮量，令整個造型更精緻高級。貝蕾帽上年秋冬已經係女明星們最愛嘅時髦單品！今年熱潮不退，不過款式和花紋上有好多新嘅變化。

（圖：小紅書、IG@taeyeon_ss）

上年較流行毛呢素色貝雷帽，今年則從花紋上加入潮流元素，例如今年最興嘅動物紋元素，或時尚大氣嘅千鳥格紋。

（圖：IG@jennierubyjane、宋茜微博、小紅書）

如果唔鍾意咁誇裝嘅花紋，你可以考慮買一頂皮革貝雷帽，為沈悶嘅素色添上多一點時尚感。

（圖：IG@sooyaaa__、小紅書）

八角帽

如果擔心貝雷帽難carry，咁小編推介你入手貝雷帽延伸出來嘅流行單品——八角帽，呢款都係今年火爆嘅帽款，因為人人都啱戴。帽頂嘅蓬鬆感可以完美修飾臉型，中性嘅帽型更增添咗知性獨立感，皮革元素嘅八角帽都非常熱賣，同西裝褸更加係絕配！大家亦可以根據自己喜好選擇素色或者有秋冬氣息嘅格紋。

（圖：小紅書）

喺選擇貝雷帽同八角帽都有一個小技巧，就係盡量選擇較挺身材質嘅帽款。軟腍腍嘅材質如冷帽款，會令帽型扁塌貼頭，望落冇精神，仲顯臉大！相反，有立體度嘅款式，好似皮革款等可以幫髮型增添蓬鬆度，臉小之餘仲可以令頭型視覺上更為飽滿、神采奕奕。

貝雷帽同八角帽大家鍾意變款呢？小編就兩款都想入手！