2020年最值得入手Starbucks杯款集合

Starbucks每年推出嘅期間限定產品總係令人眼前一亮，唔少Starbucks fans會專登收集不同國家推出嘅特別款式。小編整合咗幾隻今年各地非常值得入手嘅熱門杯款俾大家！

呢隻青瓷杯嘅翡翠綠紋理設計，加上厚實嘅玻璃質感，整體感覺高貴又典雅。半透明嘅杯身設計，只係倒入清水都可以令人賞心悅目。而且每一隻青瓷杯都有獨一無二嘅紋理，即使係熱賣款都唔怕同人撞款啦。

2. 韓國Starbucks「鑽石杯」
韓國Starbucks七月仲推出「夏夜星空」為主題嘅周邊產品，當中呢兩款以藍綠色做成嘅透明杯款最為搶手，造型相當精緻，令人聯想到鑽石，隨住菱形邊緣散發出滿滿鑽石光芒。

3. 中國Starbucks「透明牛奶盒」
中國Starbucks五月推出嘅「透明牛奶盒」早前亦引起網民熱烈討論，以全透明材質設計配搭上牛奶盒嘅可愛造型，裝載唔同嘅飲品會呈現唔同嘅感覺！

呢款「透明牛奶盒」雖然喺中國推出，但喺日本超火爆，好多日本女仔都搵代購入手。台灣其實喺2018年與2019年亦曾限量販售類似嘅牛奶盒玻璃杯，甚至有黑、白兩色，當時短時間內全售罄。

4. 台灣Starbucks「冷變TOGO隨行杯」
台灣Starbucks八月推出倒入冷飲就會變色嘅漸層隨行杯，超靚嘅變色效果喺IG上引起熱潮。隨行杯冇裝水嘅時候，只係一個普通嘅霧面透明杯，但倒入冷飲之後，杯身就會呈現變色效果，浮出五顏六色嘅細碎彩花，顏色鮮艷豐富，搭配七彩飲筒一齊用更加靚，有種生日party嘅感覺。

雖然以上四款杯都已經開賣，不過大家可以試下上網搵代購，運氣好嘅話可能買得到！