5個台灣人氣護膚品牌推介
台灣有唔少護膚品深受當地人喜愛，無論係自然護膚或者醫美護膚，通通都有！
台灣護膚品雖然價格親民，但效果一點也不差，成分多為天然植物萃取，買得實惠又用得安心！小編介紹5個台灣非常出名且口碑好嘅護膚品牌給大家。
廣源良
廣源良係早幾年香港人去台灣必買嘅護膚品牌！因為產品天然無害，價錢超級親民。廣源良有4大皇牌系列，包括秋葵、絲瓜、蘆薈及青瓜，由綠色植物中萃取精華，保護皮膚。綠豆粉和菜瓜水係非常熱賣嘅產品，綠豆粉可以清除 肌膚深層污垢和多餘老廢角質，令肌膚光滑細緻。菜瓜水即絲瓜水，富含豐富維生素，結合保濕因子，一噴就可以幫皮膚補充所需水分。
廣源良近年推出好多唔同功效嘅天然新系列產品，一改以往老土包裝。
廣源良網址：https://www.cucumber.com.tw/
23.5ﾟN 北緯研製
23.5°N以「化學少一點、負擔少一點」天然純淨為理念，選用台灣在地農產品做為原物料，植物喺最新鮮嘅狀態下抵達萃取實驗室，減少植物精華在萃取出後至製造廠間的新鮮消耗，同時保存住植物養分嘅最佳活性期。
23.5°N雖然係比較新嘅品牌，但最多人知曉嘅就係佢哋5款皇牌凍膜。
「米粹舒緩活酵凍膜」舒緩肌膚不適、改善痘痘和長效保濕、提亮；
「桂竹活水凍膜」高效鎖水全能保濕；
「紅薏仁白潤凍膜」深層淨白，改善膚色不均的沉澱暗沉；
「東方美人茶平衡凍膜」控油調理、毛孔淨膚；
「鳳梨角質淨化凍膜」溫和軟化老廢角質，減緩一般顆粒摩擦的刺激感。
23.5ﾟN 北緯研製網址：https://www.235n.com.tw/
Dr. Wu
Dr. Wu係台灣非常出名嘅醫美保養品牌，推出嘅產品著重高效能、低敏感，雖然喺香港有分店，但於台灣嘅康是美、屈臣氏等地方買，幾乎會平一半！
玻尿酸保濕系列係Dr. Wu嘅主打兼熱賣系列，補水效果顯著，連護手霜都有，系列產品非常全面。另外，Dr. Wu嘅杏仁酸煥膚系列，可以有效改善痘印、清理粉刺和收緊毛孔，仲可以擊退凹凸洞，令肌膚回復光滑。
Dr. Wu網址：www.drwu.com
NARUKO
NARUKO由美妝達人牛爾老師所開創，喺康是美、屈臣氏等地方十分熱賣！最受歡迎嘅經典晚安凍膜，完全唔油膩，瞓一覺就可以有美白、修護等嘅功效！
茶樹抗痘粉刺調理系列亦非常熱賣，依家日日戴口罩又焗又濕好易出油同粒粒，茶樹系列抗痘之餘，唔會令皮膚乾到甩皮，仲有專為暗瘡肌而設嘅氣墊粉餅。
NARUKO網址：www.naruko.com.tw
阿原
講起阿原，好多人都會聯想起肥皂，其實佢嘅護膚系列都好好用！護膚系列成分天然，採用大自然植物草本，用於皮膚上，唔會覺得不舒服。所有產品成分天然無害，敏感肌都可以放心使用。
