隨住天氣越黎越凍，雙手亦變得非常乾燥，此時此刻你需要一支高效保濕嘅潤手隨時旁身，市面上潤手霜多不勝數，究竟邊款先值得買？小編為大家整理咗6款功效出色、性價比高嘅潤手霜，當中更有消委會評測過嘅優秀潤手霜，快揀一款啱你嘅潤手霜滋潤下雙手吧。

EAU THERMALE Avene 極致滋潤護手霜 50ml HK$98

Avène潤手霜含有抗敏活泉水，且不含香料成分和Paraben防腐劑，適合任個肌膚使用。喺消委會2020年嘅評測中，Avène潤手霜排名第二，5分總分獲得4分。質地非常清爽不油膩，塗上手後會形成一層薄膜，推介唔鍾意粘膩感嘅人使用。塗上手後，滋潤成分會逐漸滲透進肌膚內，長效滋潤手部肌膚達6小時。

NIVEA Nourishign Care 潤手霜 75ml HK$18

NIVEA呢款潤手霜喺2020年消委會測試中，獲得相當不錯嘅分數，5分總分獲得4分，價錢便宜，絕對係性價比之選，即使不斷擦都唔會感到肉赤。潤手霜質感清爽不黏膩，一推開便會快速被皮膚吸收，內添加乳油木果油，能長效為雙手保濕。由於吸收速度快，建議擦厚一啲令保濕效果更持久。

Glysomed 洋甘菊護手霜 250ml HK$109

相信大家對綠色包裝嘅Glysomed唔感到陌生，呢款手霜受到很多人士追捧，因為具備非常多功效，除咗基本嘅滋潤保濕，仲有美白、鎮靜消炎，和鎖住水分，有淡淡嘅菊花香味很舒心，不過質地厚身唔易推，而且較為粘膩，但滋潤度確實不錯，少許分量已可淡化手上乾紋。

KIEHL’S 高效能潤手霜 75ml HK$140

手霜蘊含有多種植物油及萃取自橄欖油嘅天然蠟質，所以質感較為粘膩，不過保濕滋潤效果很出色，能進一步紓緩、滋潤及修護皮膚。喺消委會嘅評測中，KIEHL’S手霜嘅「保濕效能」和「減少流失效能」皆為5分滿分水平，只可惜含有可致敏香料成分，建議敏感人士不要使用。另外，小編覺得手霜嘅味道不太討好，並非每個人都能接受，建議前往專門店親自試上手再購買。

BIODERMA 柔潤護手霜 50 ml HK$160

BIODERMA喺消委會嘅評測中係最高評分嘅一款潤手霜，5分總分獲得4.5分。護手霜含有4重保濕組合，長效滋潤不膩，能即時舒緩手部乾燥、痕癢及繃緊，評測者連續使用2星期後，皮膚水分含量都呈顯著增加，而且不含致敏成分。

L’OCCITANE 乳木果潤手霜 150ml HK$235

潤手霜含有20%嘅L’OCCITANE皇牌乳木果油，發揮保護、滋養及保濕作用。質地軟滑濃潤，能快速被皮膚吸收，潤而不膩。淡淡嘅香味係天然植物混搭出嘅味道，非香精，自然舒服。