Dior首推經典Oblique印花嬰兒車
Dior與意大利品牌Inglesina合作推出首架Oblique印花嬰兒車，喺歐洲一上架即被搶購一空。呢架充滿藝術感嘅嬰兒車，絕對係所有潮媽都想擁有嘅潮流「單品」！
今次Baby Dior聯乘Inglesina系列結合咗卓越嘅質量和功能，想必媽媽們對義大利嬰兒車品牌Inglesina不陌生，擁有50年歷史嘅權威地位，係歐洲貴族、名人愛用嘅嬰兒車品牌。兩大名牌合作，無論係品質還是名聲都令萬眾睢睢。
從遮陽篷、保護層到車底嘅置物籃，全部都有經典嘅Dior Oblique印花，車中軟墊採用天然竹纖維打造，營造一個舒適又透風俾寶寶在內休息。綴以「Dior」標誌嘅車輪及皮革手把，更彰顯咗Dior嘅精細藝術風格，令人一睇就知係非凡出品。車身和車輪除咗有Dior品牌Logo，亦印有Inglesina標誌。
呢架Baby Dior嬰兒車售價亦非常昂貴，官方售價為HK$32,000。
同系列仲有「搖籃和嬰兒車組合」，售價為HK$53,000。
之前歐洲開賣後瞬間被搶購而空，香港將於12月發售呢款優雅時尚嘅嬰兒車，有興趣嘅潮媽們要密切留意Dior香港官網啦。
