DIORXSHAWN貝雷帽 致敬90s街頭品牌

街頭文化品牌Stüssy創立人係Shawn Stussy係1996年離任之後，一直無出現係公開場合上面，但仍然對時裝潮流有一定嘅影響力。至今年5月佢認識Kim Jones之後，因為對方都係位於同一個社交圈子而加深左友誼，而Kim Jones都係係時裝圈子舉足輕重嘅人物，因而促成左Dior今年秋冬男裝同21年春夏裝同Shawn嘅合作，掀起話題。

Dior X Air Jordon 1已經引起左炒賣嘅熱潮，而另外嘅關注點就落係DIOR X SHAWN嘅合作上面，相信好多人都會期待，究竟係一次點樣嘅合作會令Shawn Stussy再次復出。雖然係HYPEBEAST嘅訪談入面，Shawn透露合作只係隨遇而安，並唔係求新嘅突破，但係係言談之間，佢都講到自己對作品係有要求，唔會刻意遷就Dior嘅設計，而佢亦認為係合作嘅過程中對高級訂製服有新嘅認知。

最新發佈嘅就係DIOR X SHAWN 貝雷帽，依款係改編自Shawn Stussy係90年代所著嘅街頭風格，對佢嘅品牌Stüssy致敬，用左Shawn所設計嘅DIOR AND SHAWN標誌刺繡，後面有抽繩同刻上「DIOR」標誌套環，可以自行調較帽嘅大小，用100%棉黎做，非常舒服，仲係意大利製造。

不過依頂係男裝款，帽型會比較大，女士說可能唔岩啦！除左帽之外，Shawn Stussy仲同Dior合作左一系列嘅秋冬同春夏產品，而全部都已經上左架啦，有興趣嘅朋友可以上Dior嘅官網睇下。