通常上粉底我哋都會選擇美妝蛋或粉底刷，Maybelline呢隻「熨斗粉底刷」最新係內地美妝界爆紅！

「熨斗粉底刷」外型就如一個迷你熨斗，非常可愛，粉底刷後面係切角設計，令刷具可以直立係台面上，另外附有專屬蓋子，可以方便帶出街，唔洗擔心刷毛污糟、壓壞或變形。

Maybelline「熨斗粉底刷」（圖：小紅書@虎牙鴨）

內地網友對「熨斗粉底刷」嘅妝感亦讚不絕口，粉底刷擁有25萬根超柔軟刷毛，令妝感細緻服貼、均勻無刷痕，就好似真係俾熨斗熨過一樣平滑。刷具前端係尖角設計，可以更輕易將粉底帶到鼻翼、眼周等範圍。

Maybelline「熨斗粉底刷」（圖：小紅書@3文魚、@虎牙鴨）

有時用粉底刷最煩惱嘅莫過於係清潔，Maybelline「熨斗粉底刷」使用咗「口腔級銀離子自潔刷毛」，清潔後都可以快速乾燥、避免細菌滋生！

Maybelline「熨斗粉底刷」（圖：小紅書@3文魚）

咁可愛又使用嘅Maybelline「熨斗粉底刷」香港暫時未有發售，希望可以快啲喺香港上市啦！