被譽為「萬用油」嘅MUJI可可巴油深受日本女仔歡迎，多用途、成效好和親民價嘅特性令佢經常斷貨。超神奇嘅去黑頭功能係令可可巴油熱賣嘅原因，但有唔少人都唔知要如何使用可可巴油，快啲睇下文介紹啦！

可可巴油係從可可巴嘅種子中提煉並精製成護膚油，浸透肌膚，質感幼滑，適合用於保濕、按摩和保養頭皮，全身或乾燥部位均可使用。原來可可巴油仲有一個隱藏美容功能，就係去除頑固黑頭和粉刺！

有唔少日本女仔分享MUJI可可巴油用後感，都指出可可巴油可以用來去黑頭，而且功效顯著。其中一位用家更實測用可可巴油清潔黑頭連續30天，結果黑頭粉刺通通浮出，鼻頭明顯變得乾淨白滑！香港MUJI小編即刻教大家如何用可可巴油去黑頭啦。

完成基本臉部清潔之後，用毛巾喺鼻上熱敷3-5分鐘，讓毛孔放大。然後倒出4-6滴可可巴油於掌心，輕輕按摩全臉約10-15分鐘。再用化妝棉沾上可可巴油，輕輕喺鼻上打圈，按摩約5-10分鐘後，黑頭粉刺就會慢慢浮出，之後用清水將污垢擦洗掉。最後記得做埋收毛孔動作，喺鼻上濕敷毛孔收縮水或補水面膜，否則毛孔會變得粗大架！

除去黑頭外，可可巴油本身嘅功效，如保濕和去角質，都有助滋潤我哋身體各個部份，因此MUJI日本官網和日本網民均有建議多種用法，絕對是一物多用！

用於潤膚：使用化妝水之後，可以倒出2滴可可巴油均勻塗於手掌，輕輕以按壓嘅方式將油印上臉，能有效鎖住肌膚水分。

用以卸妝：用一般卸妝油卸妝之後，可以再用可可巴油卸一次妝，因為可可巴油能有效清理毛孔污垢，洗後亦有收毛孔和保濕作用。

全身按摩：MUJI官網推薦沖完涼後，趁身體仲暖嘅時候使用，能有效促進血液循環。將可可巴油塗於掌心，再按摩全身。

足部及指甲護理：秋冬季節手腳特別容易因乾燥而出現倒刺和龜裂，將可可巴油塗於乾燥部位，能保持柔軟健康。

頭皮清潔：髮根經常出油或軟塌，可能喺因為頭皮唔夠乾淨。建議洗頭前用約1蚊硬幣大細嘅可可巴油，於掌心挫開後再慢慢按摩頭皮，然後進行正常洗頭程序便可。

用作護髮油：將可可巴油塗抹喺髮尾，可以減少頭髮毛躁、減低出現靜電，令頭髮恢復亮澤。

香港MUJI暫時只有售賣50ml嘅可可巴油，售價只需HK$88，以多用途及高成效來說CP值確實不錯，值得一試。不過成日斷貨，如果見到有貨就唔好錯過啦！