【小資女系列】香港沒在售的「MUJI」好物

MUJI無印良品一向俾人嘅印象都係實用又高質。由日用品、家具、衣服到雜貨、廚房用品、旅行用品都有好受歡迎又長期熱賣商品。即使香港有MUJI商店，但小編每次到日本都會去當地MUJI尋好物。而以下呢幾款就係小編揾到係日本獨有嘅無印好物啦。

1.購物袋

呢款購物袋小編一見鍾情，外型設計充滿住無印風。而且入邊有防水塗層，就算放濕貨都唔怕漏呀。去街市買餸終於唔洗用老套碎花環保袋啦。價錢方面真係平到你唔信，最大嘅Size都只係賣緊290円，約HK$21。下次去日本，小編一定要掃曬三隻Size翻黎。

• B5（小）價錢：190円（税込），約HK$14
• A4（中）價錢：250円（税込），約HK$18
• A3（大）價錢：290円（税込），約HK$21

2.竹飲管

現代人講求環保，而各類快餐店亦開始使用紙飲管代替難分解的膠飲管。但紙飲管好易變軟/變型，基本上只可以撐到一餐飯嘅時間。所以MUJI推出竹飲管，可以完美解決紙飲管同膠飲管嘅缺點。

3.透明保鮮紙盒

呢款保鮮紙盒實用性夠高，外型透明設計，可以好容易睇到保鮮紙消耗情況，及時替換。而內置切割器，用起上黎更加方便呢。保鮮紙盒分開兩款Size，價錢親民，難怪MUJI會咁受日本主婦愛戴。

• （小）價錢：390円（税込），約HK$28
• （大）價錢：440円（税込），約HK$32

以上產品係日本MUJI官網有售，有興趣嘅朋友可以去了解下。