室內設計往往可以提高生活水平，北歐傢具令人聯想起簡潔利落既線條，柔和既木色配搭鐵框，點到即止裝飾。近年個個都嚮往北歐風格，除左IKEA之外，仲有咩品牌可以買到北歐風家俬呢？WOUD係絕對唔可以錯過既北歐傢私品牌！
WOUD係2014年創立既丹麥設計品牌，集合左新一代頂尖北歐設計師既作品。係WOUD入面，每件都有佢既意義同目的，同時功能性亦都非常高。佢地希望客人對佢地既家品可以愛不釋手，所以將品牌既創新放係第一，做出美感同實用並存既家品。
1.托盤式組合書架
香港既樓面積咁細，係咪代表唔可以住得有品味呢？WOUD家具既收納空間都好多架！依個書架可以自由組合顏色同面板，仲可以調較層板既高度同距離，方便你去收納唔同既物品。層板都有唔同既變化，有啲屠板係有中空既設計，方便安排某啲特別高既物件既位置，增加收納既可能性！木色同黑色既層板任意配搭，仲可以額外購買配件添！
2.樹枝飯枱
依張飯枱既靈感黎至樹枝，佢既枱腳其實會有不規則既方向，最後連埋一齊，就好似樹幹同樹枝咁。雖然個枱腳咁幼，但設計師令佢可以承受到成張枱既重量。佢既圓角枱面可以減少壓迫感，仲有兩個size可以選擇，方便香港咁細既居住環境。
3.圓錐吊燈
吊燈都唔係要間屋好大先可以裝既，設計師M-S-D-S用摩登同簡約既風格去設計既圓錐吊燈，仲係特意諗過佢既燈光效果，依個吊燈用LED可以令到燈光更加清晰同清楚，成個空間就會柔和啲，仲有唔同色可以揀。
WOUD官方網址：https://www.woud.dk/
