上次介紹咗7款Gucci HK$10000以下嘅入門手袋，似乎大家都好鍾意，今次小編再為大家介紹另一款Gucci小資手袋！作為小資女嘅小編，最近入手咗「GG Marmont絎縫皮革超迷你袋」，馬上同大家一齊開箱！

Gucci GG Marmont絎縫皮革超迷你袋（圖：Gucci官網）

呢款手袋係GG Marmont系列中最細嘅Size，但外觀及細節位都與常規版幾乎一樣。超迷你袋以黑色絎縫chevron皮革配襯黑色皮革細節，袋身柔軟，而且非常輕巧。超迷你袋翻蓋開合設有雙G配件，背後亦同樣車有愛心紋路。

GG Marmont系列中尺寸最細的一款，但外觀及細節位都與常規版幾乎一樣（圖：小編實拍）

小編即刻帶大家實測超迷你袋嘅儲物空間！超迷你袋寬16.5厘米 x 高9.5厘米 x 深4.5厘米，約手掌般大細。

手袋約手掌般大細。（圖：小編實拍）

小編嘗試將一部iPhone 11 Pro放入袋內，只剩少餘空間，再放入一個薄卡套、MAC子彈唇膏和酒精搓手液，剛剛好飽和。

儲物空間較小（圖：小編實拍）

小編再換咗嘅較細嘅iPhone 8放入袋內，空間比剛才鬆動些少。如果放入較厚嘅卡套或銀包，就會逼爆冚唔實在。呢款超迷你袋嘅儲存空間實在偏細，小編覺得唔適合要帶好多嘢出街嘅女仔。

儲物空間較小（圖：小編實拍）

而且內籠冇暗格收納卡類，想唔帶銀包卡套都唔得呀！

手袋內籠沒有暗格（圖：小編實拍）

超迷你袋附有一條垂直長度23.5吋嘅鏈條肩帶，可以自行拆裝，小編覺得呢點幾實用，因為可以拆咗鏈條肩帶，直接當手拿包都好靚。

鏈條肩帶可自行拆裝（圖：小編實拍）

另外，超迷你袋亦隨附鑰匙扣，可以將手袋扣於另一個較大嘅手袋上。

隨附鑰匙扣（圖：小編實拍）

「GG Marmont絎縫皮革超迷你袋」於義大利製造，香港官方售價為HK$7,700。雖然價錢HK$10,000以下真係好吸引，但小編覺得整體實用性偏低，只能於一些較輕鬆嘅場合使用。

有興趣的朋友可以去Gucci官網購買。