我哋雙眼周圍嘅肌膚非常脆弱，尤其秋冬季節乾燥無比，若不加以保養，黑眼圈和眼紋就會不請自來。功效好嘅眼霜唔一定要貴價先搵到，小編搜羅咗5款價格實惠、成分和功效都於貴價品牌相似嘅眼霜，讓小資女輕鬆擁有炯炯有神嘅雙眼！

大牌產品：Kiehl’s 牛油果眼霜 15ml HK$280
平價替代產品：SWISSE摩洛哥堅果煥活緊緻眼霜 15ml HK$109

Kiehl’s嘅眼霜內涵牛油果成分，能溫和滋潤眼部，係一款純補水滋潤嘅眼霜，而SWISSE眼霜內涵摩洛哥堅果，同樣都係深度滋潤嘅作用，不過多咗去浮腫和黑眼圈嘅功效。質感方面，Kiehl’s眼霜較為濃厚，需要乳化才能於眼周延展開，SWISSE眼霜則較輕薄。雖然兩者價錢相差唔算太大，但對於資金較少嘅學生黨而言，SWISSE係一款唔錯嘅替代品！

大牌產品：sulwhasoo 滋陰生人參眼霜 HK$1,200
平價替代產品：A.H.C. 第五代多重功效眼霜 HK$118

sulwhasoo眼霜主打人參根提取物，而A.H.C.眼霜係主打丹參根提取物，功效與sulwhasoo眼霜相仿，都能夠針對眼周暗沈、細紋、黑眼圈和衰老等眼部問題進行修復改善。sulwhasoo眼霜和A.H.C.眼霜嘅質地亦頗為相似，較黏稠，但延展性不錯，推開後唔會感到厚重，夠滋潤而不油膩。就連香味都同樣係人參味，整體相似度都較高。

大牌產品： Helena Rubinstein 植物幹細胞再生眼霜 15ml HK$680
平價替代產品：L‘ORÉAL PARIS 眼霜級全方位淡紋霜 HK$310

兩個眼霜都含有抗衰老嘅玻色因成分，而且其他成分亦非常相似，玻尿酸和咖啡因嘅成分能抗皺、保濕和消腫，不過兩者質地都較濃稠，後續上妝嘅話容易有擦子膠碎，建議睡前使用。

大牌產品：SKII R.N.A. 立體緊緻修護眼霜 HK$750
平價替代產品：La Roche-Posay 抗敏全效修護眼霜 $295

兩個眼霜都主打美白提亮，含有煙酰胺成分，能抑制眼周黑色素沈澱，不過SKII對眼周肌膚嘅刺激較大，敏感肌膚嘅朋友使用La Roche-Posay眼霜會更為穩陣。

大牌產品： Estée Lauder 升級再生基因修護賦活眼霜 15ml HK$460
平價替代產品：The Ordinary 咖啡因眼部去腫去黑色素精華 30ml HK$62

雖然Estée Lauder係眼霜，The Ordinary係眼部精華，但兩者都能有效針對因捱夜而產生嘅黑眼圈，以及眼部浮腫。Estée Lauder眼霜嘅保濕效果較好，而The Ordinary眼部精華嘅咖啡因成分較高，能更有效擊退黑色素和導致浮腫嘅水分。