台北西門町 Hello Kitty X 7-11 粉色夢幻登場

雖然香港嘅7-11來來去去嘅裝修都差唔多，但大家其中一個鄉下台灣嘅7-ELEVEN就同Sanrio合作，推出左聯名便利店！仲以大部分Hello Kitty黎做裝修，倫敦小女孩嘅粉絲們，記住Bookmark定啦！

今次嘅合作會有母子店，兩間相隔唔遠，一間係六福，一間係欣漢華，詳細地址可以留意最底。兩店大多數都係以Hello Kitty同粉紅色做主題，當然都有其他角色，例如Melody、布丁狗、Little Twins Stars等，係唔同嘅角落都搵到佢哋嘅蹤影㗎。

鋪頭外面已經會見到一片粉紅牆、Hello Kitty嘅裝飾同Sanrio公仔牆，仲有蝴蝶結霓虹燈，打卡一流！

便利店內部裝修都非常有睇頭，一入門口會見到一部Sanrio扭蛋機，入面有大量粉色枱同夢幻色嘅貨架，中間有一隻大型Hello Kitty裝飾，係好靚嘅打卡位！天花都有Melody、布丁狗同Hello Kitty嘅3D燈！

講到台灣7-11就唔可以錯過佢哋嘅咖啡啦，係聯名店入面，仲可以飲到紙杯同杯套都係Hello Kitty嘅咖啡，另外，連放關東煮嘅紙碗都有Sanrio 嘅角色係上面，超得意呀！

除左打卡之外，係仲有好多係個到先可以買到嘅Sanrio限量商品，例如Hello Kitty45週年嘅絨毛公仔、同THERMOS聯名嘅保溫杯、Hello Kitty安全帽等等⋯⋯