相信唔少人同小編一樣每日坐喺Office工作，長時間維持同一個姿勢缺少活動，除咗周身骨痛，仲會對身體血液循環造成不良影響，如果坐姿唔正確更會對脊椎造成傷害，所以工作凳嘅選擇非常重要。

「Capisco Puls人體工學椅」（圖：flokk官網）

由挪威工業設計大師Peter Opsvik嘅「Capisco Puls人體工學椅」就係針對此問題，鼓勵使用者轉換坐姿。模仿馬鞍嘅設計，係Opsvik對人體深入了解後，從而作出嘅設計。馬鞍椅獨特設計令使用者坐上去後，雙腳自然地打開、下垂，上身和大腿呈110度左右，咁樣有利於呼吸之餘，更有助血液循環，坐久都唔會攰。 

「Capisco Puls人體工學椅」鼓勵使用者轉換坐姿。（圖：flokk官網）

「Capisco Puls人體工學椅」被譽為世界十大名椅之一，呢款「馬鞍椅」出自挪威家具辦公品牌HÅG，所以帶有濃厚嘅北歐氣息，設計極致簡約，圓潤輕巧，具有藝術美觀，實用且符合人性化。

「Capisco Puls人體工學椅」設計極致簡約，圓潤輕巧，具有藝術美觀。（圖：flokk官網）

弧形椅背根據人體工學設計，無論正坐、側坐，或者反坐，椅背都可以俾身體足夠支撐，令身體保持喺放鬆及完美平衡狀態。而馬鞍形坐墊貼合臀部，可使盆骨自然前傾，脊椎挺直減少大腿壓力，保持腿部血液流暢。「Capisco Puls人體工學椅」嘅五星腳架更係參考騎馬師嘅腳踏支撐設計，鼓勵使用者有更多嘅足部運動，從而促進腳趾末端血液循環，減少疲勞。無論你鐘意任何坐姿，「Capisco Puls人體工學椅」都能夠完美適用，絕對係辦公室工作嘅好夥伴！

無論你鐘意任何坐姿，「Capisco Puls人體工學椅」都能夠完美適用，絕對係辦公室工作嘅好夥伴！（圖：flokk官網）

最新系列「Capisco Puls 8010」椅身採用高品質PP材質，一體成型，經久耐用，環保易清潔，且不含對人體有害的成分。整體重量僅11kg，非常的輕便。「Capisco Puls 8010」官方配色共有黑、白、灰、薄荷綠、紅、粉紅、深灰、深藍八色可選，大家仲可以自選腳架和中央軟坐墊嘅配色，定制專屬且獨特嘅「馬鞍椅」。

「Capisco Puls 8010」官方配色共有黑、白、灰、薄荷綠、紅、粉紅、深灰、深藍八色可選。（圖：flokk官網）
「Capisco Puls 8010」可以自選腳架和中央軟坐墊嘅配色。（圖：flokk官網）

HÅG官網冇展示「Capisco Puls 8010」嘅價錢，若想知道實際價錢，你需要選定你想要嘅款式，然後留下你嘅聯絡方式及運送資料，HÅG稍後便會有專人聯絡你為你報價及講解詳情。不過小編見到香港HOMELESS有售賣「Capisco Puls 8010」，售價為HK$5,980。雖然價錢頗高，但「Capisco Puls 8010」嘅功能性及設計美觀絕對係物有所值！