【小資女系列】HK$700以下高質翻工裙推介
好不容易揾到地方買翻工裙，但咁岩個品牌就捲入疑似抄襲風波。所以小編決定靠自己揾啲平價高質裙。
一條高質嘅翻工裙真係著幾多年都唔會過時。但有啲品牌價錢太貴，對於剛踏入職場嘅小編黎講真係傷唔起，如Sandro，Theory等一條裙就算特價款都要二，三千。如果你都有唔知去邊買裙嘅煩惱，不如睇下以下高質翻工裙品牌有無你心水？
Bardot係屬於澳洲一個家族經營嘅品牌，佢地裙款多用Lace/薄紗作襯托，女人味十足，亦有好多細節，就算係黑色裙，望上去都唔簡單。價錢屬中價位，特價Item真係好值得購入。而小編就最中意第三條，隆重小小嘅飯局著佢就搞掂，平時翻工亦唔會覺得太花巧。佢地都有直送香港服務，不過用有澳洲倉嘅轉運公司就連國際運費都可以慳翻。
Three Floor就黎自美國風格就同Bardot有小小相似，裙款設計較注重細節位。佢地價位中上，但特價款都係唔洗一千有條。放心，佢地一樣都係有香港直送架。
相信大家對Mango一啲都唔陌生，每次入去鋪頭眼花繚亂都唔知買邊款好，上佢地網店先知原來有咁多正野，就佢地裙款較簡約，岩曬女強人Look嘅你。就算正價裙款大多都只係HK$499小編建議想入手嘅你可以先上去佢地官網睇下有咩心水款，再直接到門市試身購買呀。
