【小編實測】開箱「L.O.L.驚喜寶貝」大禮盒！暗藏驚喜玩法？

去到玩具舖，每個小朋友必定會拿起L.O.L.驚喜寶貝玩具唔捨得放手，L.O.L.驚喜寶貝球係近期小朋友非常鍾意嘅玩具，玩法類似盲盒，每層都隱藏住不同嘅驚喜，最終可以拆到一個超可愛嘅L.O.L.人偶！超多驚喜越拆越著迷，唔好話小朋友，就連大人都會陷入呢個玩具嘅魅力之中。小編今次邀請咗兩位可愛嘅小妹妹，與大家一齊開箱超大禮盒L.O.L. Surprise Ultimate Collection 12 Dolls box set，一齊睇下佢哋抽到啲咩L.O.L.人偶啦！

L.O.L. Surprise Ultimate Collection 12 Dolls box set共有12粒驚喜波波，藏有12隻唔同造型嘅L.O.L.人偶，禮盒包裝非常夢幻少女心，小編見到都忍唔住「嘩」一聲，呢款超大禮盒非常抵買，平時單買一粒驚喜波波都要HK$109以上，呢盒只需要大約HK$775就可以擁有12粒！

禮盒背面展示咗24隻唔同造型嘅L.O.L.人偶，陣間小朋友們將會抽到邊12隻呢？好期待呀！

每隻L.O.L.人偶未解封之前都係咁樣一個波波，由幾層膠紙包裹住，波波背面會告示你入面會有7嘅Surprise。

介紹完包裝，事不宜遲即刻睇下兩位小朋友開箱拆L.O.L.驚喜寶貝啦！

將L.O.L. Surprise Ultimate Collection 12 Dolls box set放喺小朋友面前，兩位興奮到馬上各自攞出一粒驚喜波波準備拆開。

撕開第一層膠紙，便會出現一張細紙仔，呢張係一張提示紙，預告你將會抽到什麼主題嘅L.O.L.人偶。姐姐抽到一張印有Party彩炮和狗仔嘅提示紙，係唔係預示佢隻L.O.L.人偶會係Party狗仔造型呢？撕開第二層膠紙就出現一張貼紙，貼紙上有唔同樣式嘅圖案，分別有變色、噴水、喊喊和瀨尿，待之後破解咗L.O.L.人偶嘅功能，就可以將相對應嘅圖案黏去目錄表上。

撕開第三層，就會抽到一個奶樽！撕開第四層，會抽到L.O.L.人偶嘅鞋仔。黎到最後一層，一個波波出現喺眼前，入面藏有L.O.L.人偶本體、衣服和頭飾。

經過幾番努力，最後兩位小朋友終於拆曬所有驚喜波波，抽中咗以下呢12款可愛L.O.L.人偶，當中更有兩款係特別版金色驚喜波波！

除咗拆驚喜波波估人偶嘅刺激樂趣之外，其實後續仲有其他玩法，就係挖掘佢哋嘅隱藏功能！有些L.O.L.人偶浸泡入冰水後某些部位會變色，就如下圖那款L.O.L.人偶，原本頭髮係全奶白色，浸入冰水後頭髮上即刻浮現粉色Highlight和星星，非常神奇。另外有些L.O.L.人偶，透過奶樽餵完水後，便會流淚或口噴水，甚至瀨尿！