保養係女人嘅終身事業，不過高級護膚品價格昂貴，資金較少嘅學生黨和小資女未必能負擔得起，其實有唔少價格較平嘅護膚品成分與高級護膚品相似，保養成效亦相差無幾。小編整理咗4款平價替代護膚品，幫你慳錢！

大牌產品： Lancôme GÉNIFIQUE小黑瓶 HKD$725
平價替代產品：L’ORÉAL PARIS 青春密碼酵素精華肌底液 HKD$335

L’ORÉAL PARIS 青春密碼酵素精華肌底液有「平價小黑瓶」之稱，兩者成分相似度高達70%！除咗香精防腐劑等有些許唔同外，其餘功效性成分大同小異，想用小黑瓶嘅小資女必買呀。

大牌產品： LA MER Crème de la Mer精華面霜 HK$740
平價替代產品：NIVEA 潤膚霜 HK$16.90

NIVEA潤膚霜嘅質地和使用感都與LA MER Crème de la Mer精華面霜相似，兩者都係雪花膏質地，需要乳化再使用。NIVEA潤膚霜成分中含有尿囊素、葵花籽油等，具有很好嘅抗氧化效果，而且價格便宜過LA MER幾十倍。

大牌產品： SKII R.N.A.立體緊緻精華霜 HKD$780 
平價替代產品：OLAY 新生高效緊緻護膚霜 HK$239.90

OLAY呢款護膚霜一直以SKII平價替代聞名，甚至大部分成分都一模一樣，都係主打煙酰胺成分，有很好嘅美白保濕功效，仲添加咗較高濃度嘅五勝肽成分，可以促進膠原蛋白生成，修護肌膚，具有抗老效果。上臉質感唔厚重，為霧面質感，肌膚變得嫩滑嘅同時仲有好好嘅控油效果。係一款CP值非常高嘅替代品。

大牌產品： SKII 肌源鑽光精華 HKD$1280
平價替代產品：OLAY PROX 亮潔晳顏淡斑精華 HKD$349

OLAY PROX亮潔晳顏淡斑精華主打淡斑祛痘印，雖然冇SKII濃縮PITERA成分，但內含5%嘅煙酰胺，可以修復皮膚屏障和促進細胞更新，另外仲添加咗糖海帶提取物，可以抑制黑色素生成，加強美白效果，算係平價替代產品中嘅實力派。