上次介紹咗3款日本獨有嘅MUJI好物，大家都似乎好鐘意，今次小編又搵到更多香港MUJI買唔到嘅人氣商品，相信大家睇完會同小編一樣每一件都好想要呀！

1.「見字飲水」簡約水樽

日本MUJI今年7月推出極簡約「自備水樽（自分で詰める水）」，瞬間爆紅，日本網民紛紛喺IG洗版打卡！全透明帶圓角嘅水樽，加上簡約嘅淺藍色「水」字，盡顯MUJI嘅日系美學，環保又美觀，以後每日都見字飲水啦！

190円（税込），約HK$14（圖：IG@hn._.tkng、@gogobuy_tokyo）

2.手賬貼紙

對於鐘意寫手賬或Schedule Book嘅人黎講，日本MUJI呢三款方格、數字和星期貼紙非常實用！尤其係方格貼紙，每當完成一個工作就可以tick一tick，可以大大提升工作效率。

190円（税込），約HK$14（圖：MUJI官網）

3.電線收納盒

太多充電線搞到台面好混亂？日本MUJI有個隱藏好物可以幫大家大大改善電線嘅煩擾！呢款電線收納盒屬於MUJI招牌收納系列，其材質大家都唔陌生。收納盒中加入一個轉軸，可以將電線繞喺中間，頭尾則可從收納盒兩端伸出來方便使用。如果電線太長可以同時用多幾個收納盒，整齊之餘仲不佔空間。

190円（税込），約HK$14（圖：IG@mamama_home、JJ net、sumuro）

4.腳踏車

日本MUJI有售賣唔同大細嘅單車。上年推出咗16吋可折疊單車，非常適合居住環境較細嘅人士，可以輕鬆收納喺家中角落。單車外觀貫穿MUJI簡約風格，共有白、深藍兩色可選。

另外一款20吋單車體積較大，前方有收納籃，冇得折疊，不過外觀上比16吋更靚！，同樣都係有白色和深藍色。

16吋小輪徑摺疊腳踏車，59,900円（税込），約HK$4,400（圖：MUJI官網）
20吋腳踏車，26,900（税込），約HK$2,000（圖：MUJI官網、IG@kumiko_800718）

除咗日本MUJI有本土限定商品之外，就連中國MUJI都有推出專屬嘅產品。

5.便攜水杯（中國MUJI官網已下架）

中國MUJI亦有推出設計簡約嘅便攜水樽，透明瓶身與白色樽蓋嘅設計，美觀大方。有兩個SIZE可揀，價錢仲要好親民！

大杯RMB 68，約HK$77；小杯RMB 58，約HJK$65（圖：TAOBAO）

6.美妝蛋收納盒組合（中國MUJI官網已下架）

呢款美妝蛋收納盒組合絕對係近期中國MUJI嘅搶手貨，一上架就馬上被掃空，想買都買唔到。組合內含一個淡粉色美妝蛋和一個多功能收納盒。收納盒細節位非常多，收納盒裡面有凹凸設計可以清洗唔同嘅美妝工具！而且杯身為矽膠材質，可以將美妝蛋放喺入面擠壓清洗，杯蓋可以當作蛋架晾乾美妝蛋。整個收納盒仲可以翻過來晾乾，唔洗擔心滋生細菌，真係超級實用！可惜香港冇得賣。

RMB 28，約HK$32（圖：小紅書@關關）

7.拌飯醬湯川湘酸辣湯

呢個酸辣湯調味包充滿中國風味，浸飯食一流啊，鐘意食酸辣嘅朋友唔好錯過！

RMB 24，約HK$27（圖：MUJI官網）

8.酸辣粉絲

原來中國MUJI都有推出酸辣粉絲迎合顧客口味！小編摯愛酸辣米線，好想即刻買包黎試下。

RMB 9約，HK$11（圖：MUJI官網）

以上大部分產品係日本MUJI及中國MUJI官網有售，有興趣嘅朋友可以去了解下。