【海外網購攻略】東京迪士尼網上商店精品推介

唔同地方嘅迪士尼都會推出具有當地特色嘅精品，小編尤其鐘意東京迪士尼嘅精品，依家冇得去實地血拼，唯有上網上商店過下癮。小編整合咗幾款既實用又好睇嘅精品推介俾大家，價錢仲要好平𠻹！

米奇圖形塑膠碗 S：￥330（約HK$25）/ L：￥550（約HK$40）
以可愛米奇頭為碗形，三個載具為一體，可以同時承載水果或其他不同食物！多色可揀，並且有分大與細兩個尺寸，好適合做親自碗具！

迪士尼公主玻璃杯￥550（約HK$40）
透明玻璃杯共有5款公主款式可揀，分別係長髮公主樂佩、茉莉、Belle、Cinderella和Ariel。每個杯上都印有公主故事嘅元素，例如公主裙、裝飾蛋糕、配飾等，非常夢幻！

[ACCOM MODE]米奇方形藤編手袋￥17,600（約HK$1,300）
呢款方形藤編手袋小編非常推介！共有自然木色和深棕色可選，非常適合夏天。手袋上嘅米奇刺繡與藤編材質相呼應，呈現夏威夷度假風，加上交叉針腳圍邊，既可愛又時尚，唔講仲以為係名牌聯乘款。

迪士尼公主Schedule Book ￥385（約HK$29）
呢款Schedule Book有齊Monthly Plan、1 Day Plan，仲有3 Months Goal和To do list，讓你可以為自己制定學習或工作目標，提升效率！漸變色嘅封面好夢幻，不過只有Ariel和長髮公主樂佩兩位公主角色可選。