有「人間芭比」之稱嘅BLACKPINK成員Lisa，最近廣告邀約不斷，Lisa以超強嘅時尚感成為各品牌爭先合作嘅代言人，以及眾多女仔參考嘅對象。Lisa私下非常鍾意CELINE，最近更直接成為CELINE嘅代言人！一齊睇下Lisa擁有過邊幾款CELINE手袋啦。

緞面小牛皮小型16手袋 HK$34,500
布料及小牛皮長肩帶 HK$3,400

CELINE今年推出推出16 STRAP肩背帶系列，由羊毛材質和小牛皮飾邊製成嘅寬版肩帶，時髦又好揹，無論係肩揹、斜背都可以，既能休閒亦能正式，實搭性超強，Lisa揹嘅黃褐色，搭配杏色毛衣和啡色長褲，充滿秋冬感。

緞面小牛皮中型16手袋 HK$34,500

呢款CELINE 16係現任創意總監Hedi Slimane上任後設計嘅第一款包款，以CELINE 1960年代出產嘅經典設計為靈感，因此款式頗為復古。全以小牛皮配上100%羊皮襯裡製成，裁切翻蓋以圓滑收邊，正中有個刻有CELINE字樣嘅黃銅開關。Lisa以白色短袖泡泡袖上衣配襯，增添咗令人難以抗拒嘅美少女氣息。

TRIOMPHE帆布中型FOLCO手袋 HK$11,500

Folco手袋屬於「Triomphe Canvas」系列，品牌創始人Céline Vipiana以凱旋門鎖鏈作設計靈感，配合棕色皮革作包邊，提升手袋嘅細緻度。而Folco手袋嘅外形、款式設計都較為中性，可以配襯唔同嘅造型，Lisa搭配針織外套和黑闊腳褲，展現復古英倫風，而搭配皮褸和牛仔褲，則復古味甚濃，無論任何造型Folco手袋都可以為穿搭點綴。

亮面小牛皮中型TRIOMPHE手袋 HK$28,500

喺Lisa嘅Instagram經常會見到唔同款式嘅Triomphe手袋出現，袋款嘅外形有啲似Classic Box Bag，係Folco手袋嘅進化版，將舊有元素凱旋門鎖鏈演變成出Blazon Chaine金屬鎖釦，被大眾評為最具Old Céline風格嘅袋款。Triomphe手袋實用性高且耐看，深受時尚界歡迎。Lisa揹上優雅嘅淡酒紅色Triomphe手袋，配上西裝外套和牛仔褲，帥氣感倍增。

蜥蝪皮中型TRIOMPHE手袋 HK$56,000

另外一款Lisa私下揹過嘅Triomphe手袋就係蜥蜴皮款式，袋款外型與上面淡酒紅一樣，只係皮質不同。蜥蜴皮款式更顯質感，Lisa簡單嘅黑色T恤配上高腰寬鬆牛仔褲，搭配蜥蜴皮Triomphe手袋，整體時尚感即刻提升。

TRIOMPHE帆布AVA手袋 HK$9900

呢款腋下包萬元以下就可以交易，很適合小資女！第一眼俾人超強嘅復古感，手袋以CELINE 1990年代中古包款中獲得靈感，採用小巧優雅嘅月牙形輪廓，短肩帶可以手提或揹上肩，搭配經典耐看嘅棕色Triomphe老花帆布和小牛皮滾邊，透出復古嬌俏氣質。