韓國人氣香蕉牛奶推新口味！秋季限定「蘋果肉桂牛奶」

紅遍全球嘅Binggrae「香蕉牛奶」，繼之前推出「荔枝蜜桃」、「南瓜蕃薯」等限定口味後，今年秋季又推出咗全新「蘋果肉桂牛奶」口味！一上架就喺韓國Instagram掀起一波洗版風潮。

Binggrae經典嘅牛奶樽包裝大家非常熟悉，今次推出嘅蘋果肉桂新口味呈現蘋果肉嘅米白色，包裝換上紅色。

蘋果與肉桂嘅配搭喺甜品中比較常見，原來配上純滑牛奶，會有呈現一種獨特滋味。有韓國網友分享食評表示，一打開包裝就聞到濃郁嘅肉桂香味，飲落就有啲似蘋果批嘅味道。對於鍾意蘋果肉桂嘅朋友，呢個會係唔錯嘅新品，但討厭肉桂味嘅朋友就可以唔洗嘗試了。

更有韓國網友用蘋果肉桂牛奶調製出一款咖啡特飲！好似好好味呢。

「蘋果肉桂牛奶」已經喺韓國各大超商正式開賣，不過依家因為疫情冇得去品嚐，大家只能等代購了。