咖啡機懶人包五分鐘讓你學會選擇對的咖啡機

每朝早可以嘆一杯咖啡係好多人既享受同習慣，近年好多小店推出自家烘焙既咖啡豆，令到多啲人可以享受到除左連鎖店以外既咖啡。但係，嘗試係屋企沖咖啡有一個大難題，就係市面上林林總總既咖啡機，仲有好多唔同既功能，會令新手大為卻步。今日小編為大家解決依個疑難！

義式咖啡機定美式咖啡機？

大家飲義式定美式咖啡呢？義式咖啡係用高壓萃取，將熱水加壓至約15個大氣壓，令咖啡有有乳化的油脂，即係Crema，用大概20-30秒，沖成大部分人都識既Espresso。而美式咖啡就無左高壓萃取既過程，利用熱水流過咖啡粉而萃取咖啡。如果大家鍾意飲Cappuccino或者Latte，你就需要一部意式咖啡機啦！而美式咖啡機有咩選擇呢？

義式咖啡機

義式咖啡機大致分為三種，就係全自動咖啡機、半自動咖啡機同埋膠囊咖啡機，每一種都有佢地既優缺點。

全自動咖啡機

顧名思義，就係全部野都係由咖啡機去做既，包括磨豆，計算分量，萃取，打奶等等‥用家只需要放入原料，例如牛奶同咖啡豆，1-2分鐘之後就有一杯已經完成既咖啡。而較高級既咖啡機，仲可以自己調校份量同比例，個人化你既咖啡，因為咖啡機功能多，一啲講求效率同味道既客人就會選擇全自動咖啡機，但相對地佢既價錢都比較貴。

MIELE CM 5300 COUNTERTOP COFFEE MACHINE （圖：MIELE官方網站|HK$9,980）

半自動咖啡機

係咖啡店入面會用到既款式，咖啡機只會做高壓萃取既部分。而磨豆，壓粉，萃取時間，都要用家自己決定同去做，而依啲部分係咖啡成品好唔好飲既決定因素，所以，半自動咖啡機係會比較適合一啲對咖啡製作過程有認識既用家，或者係對咖啡有獨特喜好既人，咁就可以自由調整咖啡既方法。如果唔識用，好可能要失敗好幾次先會開始成功。半自動咖啡機其實價錢中等至貴過全自動咖啡機都有，因為咖啡高壓萃取既功能對咖啡有決定性既品質分別，但一般家用半自動咖啡機價格普遍相宜。

NESPRESSO J520 CREATISTA PLUS 咖啡機（圖：百老匯|HK$ 4,288）

Creatista Plus 同 Nespresso 合作，令用家可以係屋企打到幼滑奶泡。

膠囊咖啡機

係近年先出現既款式，亦因為膠囊咖啡機而多左人試下係屋企沖咖啡，因為膠囊咖啡機唔洗識任何既技巧同份量既知識，只係需要將膠囊放入咖啡機入面，然後按指示調較份量，大概30秒就會有一杯好味既咖啡。膠囊咖啡機價錢一般比自動或半自動咖啡機平，某啲有打奶泡功能就會貴啲，但係好多膠囊咖啡機只係可以用自家出既膠囊，其他品牌既膠囊可能會有唔岩位既情況出現，而膠囊既價錢累計亦比咖啡豆貴。